ഫെബ്രുവരി മാസത്തെ ഇന്ധനവില പ്രഖ്യാപിച്ച് ഖത്തർ

ദോഹ: ഫെബ്രുവരി മാസത്തെ ഇന്ധനവില പ്രഖ്യാപിച്ച് ഖത്തർ. ഖത്തർ എനർജിയാണ് ഇന്ധന നിരക്ക് പ്രഖ്യാപിച്ചത്. കഴിഞ്ഞ മാസത്തെ അപേക്ഷിച്ച് ഖത്തറിലെ സൂപ്പർ ഗ്രേഡ് പെട്രോൾ, ഡീസൽ വിലയിൽ മാറ്റമില്ല. പ്രീമിയം പെട്രോൾ പ്രീമിയം ലിറ്ററിന് 2 റിയാൽ ആണ് നിരക്ക്. സൂപ്പർ ലിറ്ററിന് 2.10 റിയാൽ, ഡീസൽ ലിറ്ററിന് വില 2.05 റിയാൽ എന്നിങ്ങനെയാണ് നിരക്ക്.

Read Also: വിവാഹം ഉൾപ്പെടെയുള്ള വിഷയങ്ങൾ: മുസ്ലിം ഇതര വിഭാഗങ്ങൾക്കായി പുതിയ വ്യക്തിനിയമം ഇനി യുഎഇയിലെ എല്ലാ എമിറ്റേറുകളിലും

അതേസമയം, യുഎഇയിൽ 2023 ഫെബ്രുവരി മാസത്തെ പെട്രോൾ, ഡീസൽ വില പ്രഖ്യാപിച്ചു. ഇന്ധന വില കമ്മിറ്റിയാണ് വില പ്രഖ്യാപിച്ചത്. ഫെബ്രുവരി ഒന്നു മുതൽ സൂപ്പർ 98 പെട്രോളിന് ലിറ്ററിന് 3.05 ദിർഹമായിരിക്കും നിരക്ക്. ജനുവരി മാസം സൂപ്പർ 98 പെട്രോളിന് ലിറ്ററിന് 2.78 ദിർഹമായിരുന്നു നിരക്ക്.

സ്പെഷ്യൽ 95 പെട്രോളിന് ഫെബ്രുവരി 1 മുതൽ 2.93 ദിർഹമാണ് വില. ജനുവരി മാസം സ്പെഷ്യൽ 95 പെട്രോളിന്റെ വില 2.67 ദിർഹം ആയിരുന്നു. ഇ-പ്ലസ് 91 പെട്രോളിന് ലിറ്ററിന് 2.86 ദിർഹമാണ് ഫെബ്രുവരി മാസത്തെ നിരക്ക്. ജനുവരി മാസത്തിൽ ഇ പ്ലസ് ലിറ്ററിന് 2.67 ദിർഹമായിരുന്നു വില. ഡീസൽ ലിറ്ററിന് 3.38 ദിർഹമാണ് ഫെബ്രുവരി മാസത്തെ നിരക്ക്. 2022 ജനുവരി മാസത്തിൽ ലിറ്ററിന് 3.29 ദിർഹം ആയിരുന്നു ഡീസൽ നിരക്ക്.

Read Also: ‘ഹൃദയം നിറഞ്ഞ വാത്സല്യത്തോടു കൂടി തലയിൽ കൈവെച്ചനുഗ്രഹിച്ചു’: ലളിത ചങ്ങമ്പുഴയുടെ വീട്ടിലെത്തി ചിന്താ ജെറോം