മോട്ടോറോള: പുതിയ മോട്ടോ ജി സീരീസ് സ്മാർട്ട്ഫോണുകൾ യൂറോപ്യൻ വിപണിയിൽ അവതരിപ്പിച്ചു

പ്രമുഖ സ്മാർട്ട്ഫോൺ നിർമ്മാതാക്കളായ മോട്ടോറോളയുടെ ഏറ്റവും പുതിയ മോട്ടോ ജി സീരീസ് സ്മാർട്ട്ഫോണുകൾ വിപണിയിൽ അവതരിപ്പിച്ചു. ഇത്തവണ ജി സീരീസിലെ രണ്ട് സ്മാർട്ട്ഫോണുകളും യൂറോപ്യൻ വിപണിയിലാണ് അവതരിപ്പിച്ചിരിക്കുന്നത്. മോട്ടോ ജി13, മോട്ടോ ജി23 എന്നിവയാണ് ഹാൻഡ്സെറ്റുകൾ. സമാനമായ ഫീച്ചറുകളാണ് ഈ രണ്ട് ഹാൻഡ്സെറ്റിലും ഉൾക്കൊള്ളിച്ചിരിക്കുന്നത്. പ്രധാന സവിശേഷതകൾ പരിചയപ്പെടാം.

6.5 ഇഞ്ച് എച്ച്ഡി പ്ലസ് എൽസിഡി ഡിസ്പ്ലേയാണ് രണ്ട് ഹാൻഡ്സെറ്റുകളിലും നൽകിയിട്ടുള്ളത്. 90 ഹെർട്സ് റിഫ്രഷ് റേറ്റ്, 400 നിറ്റ് ബ്രൈറ്റ്സ് എന്നിവ നൽകിയിട്ടുണ്ട്. മീഡിയടെക് ഹീലിയോ ജി85 പ്രോസസറിൽ പ്രവർത്തിക്കുന്ന ഈ സ്മാർട്ട്ഫോണുകളുടെ ഓപ്പറേറ്റിംഗ് സിസ്റ്റം ആൻഡ്രോയ്ഡ് 13 അടിസ്ഥാനപ്പെടുത്തിയുള്ളതാണ്. 30 വാട്സ് ടർബോ പവർ ഫാസ്റ്റ് ചാർജിംഗ് പിന്തുണയും 5,000 എംഎഎച്ച് ബാറ്ററി ലൈഫും കാഴ്ചവയ്ക്കുന്നുണ്ട്.

Also Read: മുടിയുടെയും എല്ലുകളുടെയും ആരോഗ്യത്തിന് ‘കൂൺ’ 

മോട്ടോ ജി13 4 ജിബി റാം പ്ലസ് 128 ജിബി ഇന്റേണൽ സ്റ്റോറേജ് ഉളള മോഡലിന്റെ വില 179.99 യൂറോയാണ് (ഏകദേശം 16,000 രൂപ). മാറ്റ് ചാർക്കോൾ, റോസ് ഗോൾഡ്, ബ്ലൂ ലാവെൻഡർ എന്നിങ്ങനെ മൂന്ന് കളർ വേരിയന്റുകളിലാണ് വാങ്ങാൻ സാധിക്കുക. മോട്ടോ ജി23 ഹാൻഡ്സെറ്റുകളുടെ 8 ജിബി റാം പ്ലസ് 128 ജിബി ഇന്റേണൽ സ്റ്റോറേജ് ഉളള മോഡലിന് 229.99 യൂറോയാണ് വില (ഏകദേശം 20,500 രൂപ).