വൈറൽ ആവാന്‍ റെയിൽവേ ട്രാക്കിൽ 22 കാരന്റെ ടെഡി ബെയർ ഡാൻസ്, ഒടുവില്‍ പൊലീസെത്തി പൊക്കി 

ഗോരഖ്പൂർ: ഇൻസ്റ്റ​ഗ്രാം റീൽസ് കളിച്ച് വൈറലാകാൻ ശ്രമിച്ച യുവാവ് പൊലീസിന്റെ പിടിയില്‍. ഉത്തർപ്രദേശിലെ ​ഗോരഖ് പൂരിൽ ആണ് സംഭവം.

22കാരനായ സൂരജ് കുമാർ ആണ് ഡാൻസ് കളിച്ച് അഴിക്കുള്ളിലായത്. ടെഡി ബെയറായി വേഷം ധരിച്ച് റെയിൽവേ ട്രാക്കിലെത്തിയായിരുന്നു സൂരജ് ഡാൻസ് ചെയ്തത്. വീഡിയോ ഇൻസ്റ്റ​ഗ്രാമിൽ പോസ്റ്റ് ചെയ്യുകയും ചെയ്തു. പക്ഷേ, റെയിൽവേ ക്രോസിങ്ങിൽ ഡാൻസ് ചെയ്ത സൂരജിനെ തേടി പിന്നാലെ പൊലീസെത്തി. ലൈക്കും കമന്റും കിട്ടി താൻ വൈറലാകുന്നത് സ്വപ്നം കണ്ടിരുന്ന സൂരജ് അങ്ങനെ എത്തിയത് റെയിൽവേ പൊലീസിന്റെ ലോക്കപ്പിലാണെന്ന് മാത്രം.