യുഎസിലെ ഓഫീസുകൾ അടച്ചുപൂട്ടാനൊരുങ്ങി മെറ്റയും മൈക്രോസോഫ്റ്റും, കാരണം ഇതാണ്

യുഎസിൽ വിവിധ ഇടങ്ങളിലായി പ്രവർത്തിക്കുന്ന ഓഫീസുകൾ അടച്ചുപൂട്ടാനൊരുങ്ങി ആഗോള ടെക് ഭീമന്മാരായ മെറ്റയും മൈക്രോസോഫ്റ്റും. റിപ്പോർട്ടുകൾ പ്രകാരം, വാഷിംഗ്ടണിലെ സിയാറ്റിലിലും ബെൽവ്യൂവിലുമുള്ള ഓഫീസുകളാണ് ആദ്യ ഘട്ടത്തിൽ ഒഴിയുന്നത്.

സിയാറ്റിലിലെ ആറ് നിലയുള്ള ആർബർ ബ്ലോക്ക് 333- യിലെ കെട്ടിടവും, ബെൽവ്യൂവിലെ സ്പ്രിംഗ് ഡിസ്ട്രിക്ടിൽ പ്രവർത്തിക്കുന്ന ബ്ലോക്ക് 6- ലെ 11 നിലയിലുള്ള കെട്ടിടവുമാണ് മെറ്റ ഒഴിയുക. അതേസമയം, 2024 ജൂണിൽ ലീസ് അവസാനിക്കുന്നതിനാൽ, ബെൽവ്യൂവിലെ 26 നില സിറ്റി സെന്റർ പ്ലാസ ഒഴിയാൻ മൈക്രോസോഫ്റ്റ് തീരുമാനിച്ചിട്ടുണ്ട്.

Also Read: ‘ഞാൻ പാർട്ടിക്കാരനാടാ, കാണിച്ചു തരാം’ ഹെൽമെറ്റ് ഇല്ലാത്തത് ചോദ്യം ചെയ്ത എസ്‌ഐയെ ആക്രമിക്കാൻ ശ്രമിച്ച് എല്‍സി സെക്രട്ടറി

2022- ൽ സിയാറ്റിൽ മേഖലയിൽ നിന്ന് 726 ജീവനക്കാരെയാണ് മെറ്റ പിരിച്ചുവിട്ടിരിക്കുന്നത്. നിലവിൽ, സിയാറ്റിലിൽ മാത്രം കമ്പനിക്ക് 29 കെട്ടിടങ്ങളും, 8,000- ലധികം ജീവനക്കാരും ഉണ്ട്.