അങ്ങനെയുള്ളവരല്ല കൂട്ടുകാർ: തന്റെ സൗഹൃദങ്ങളെക്കുറിച്ച് നടി മഞ്ജു വാര്യർ

മലയാളത്തിന്റെ പ്രിയ നടി മഞ്ജു വാര്യർ തമിഴകത്തും തിളങ്ങുകയാണ്. നടൻ അജിത് നായകനായി എത്തിയ തുനിവ് ആണ് മഞ്ജുവിന്റെ പുതിയ ചിത്രം. തന്റെ സൗഹൃദങ്ങളെക്കുറിച്ചു മഞ്ജു വാക്കുകൾ ശ്രദ്ധനേടുന്നു. ഫോണിൽ വിളിച്ചാൽ എടുത്തില്ലെങ്കിലോ , മെസ്സേജിന് ബ്ലൂ ടിക്ക് കണ്ടിട്ട് മറുപടി കൊടുത്തില്ലെങ്കിലോ പിണങ്ങുന്നവരുണ്ടെങ്കിൽ അവർ കൂട്ടുകാരല്ലെന്നു മഞ്ജു പറയുന്നു.

‘വളരെ സ്വാഭാവികമായി ജീവിതത്തിലേക്ക് എത്തുന്നവരാണ് കൂട്ടുകാർ. ഏതുതരം ബന്ധങ്ങളിലും സ്വാതന്ത്ര്യമുണ്ടായിരിക്കണമല്ലോ. ഒരുപാടുനാൾ വിളിച്ചില്ലെങ്കിലും അന്ന് നിർത്തിയിടത്തുനിന്നു സ്നേഹത്തോടെ സംസാരിച്ചു തുടങ്ങുന്നവരാണ് എൻ്റെ കൂട്ടുകാർ’- മഞ്ജു പറഞ്ഞു.