കട്ടപ്പന: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ യുവാവ് അറസ്റ്റിൽ. കല്‍ത്തൊട്ടി മേപ്പാറ കൈപ്പയില്‍ സച്ചിന്‍ സന്തോഷ്(19) ആണ് പിടിയിലായത്.
വിദ്യാര്‍ത്ഥിനിയായ പെണ്‍കുട്ടിയുമായി ഇയാള്‍ മൂന്നുവര്‍ഷമായി പ്രണയത്തിലായിരുന്നു. ഇതിനിടെ യുവാവിന്‍റെ വീട്ടിലും മറ്റു സ്ഥലങ്ങളിലും എത്തിച്ച് പെൺകുട്ടിയെ ഇയാൾ പീഡിപ്പിക്കുകയായിരുന്നു. കൗണ്‍സിലിംഗിലാണ് പീഡനവിവരങ്ങള്‍ പുറത്ത് വന്നത്. തുടര്‍ന്ന്, വീട്ടുകാര്‍ പൊലീസില്‍ പരാതി നല്‍കുകയായിരുന്നു.
Read Also : ബ്രിട്ടനില്‍ കൊല്ലപ്പെട്ട അ‍ഞ്ജുവിന്‍റെയും മക്കളുടേയും മൃതദേഹങ്ങള്‍ ഇന്ന് കൊച്ചിയിലെത്തിക്കും
കോട്ടയത്തായിരുന്ന യുവാവിനെ തന്ത്രപൂര്‍വം കട്ടപ്പനയില്‍ എത്തിച്ചെങ്കിലും പൊലീസിനെ വെട്ടിച്ചു കടന്നുകളഞ്ഞു. തുടര്‍ന്ന്, സൈബര്‍ സെല്ലിന്‍റെ സഹായത്തോടെ നടത്തിയ അന്വേഷണത്തില്‍ മേപ്പാറയില്‍ നിന്നു പിടികൂടുകയായിരുന്നു.
കമ്പംമെട്ട് സിഐ വി.എസ്. അനില്‍കുമാറിന്‍റെ നേതൃത്വത്തില്‍ കട്ടപ്പന എസ്‌ഐ കെ. ദിലീപ്കുമാര്‍, അഡീഷണല്‍ എസ്‌ഐ ഡിജു ജോസഫ്, എസ് സിപിഒ സുമേഷ് തങ്കപ്പന്‍, സിപിഒമാരായ അനൂപ്, രഞ്ജിത്, അരുണ്‍ എന്നിവരാണ് പ്രതിയെ പിടികൂടിയത്. പ്രതിക്കെതിരെ പോക്സോ നിയമപ്രകാരം ആണ് കേസെടുത്തിരിക്കുന്നത്. പ്രതിയെ കട്ടപ്പന കോടതിയില്‍ ഹാജരാക്കി റിമാന്‍ഡ് ചെയ്തു.
Post Your Comments