ന​ഗ​ര​മ​ധ്യ​ത്തി​ൽ ചാ​രാ​യ വി​ൽ​പ​ന : പ്രതി അറസ്റ്റിൽ

കൊ​ല്ലം: ന​ഗ​ര​മ​ധ്യ​ത്തി​ൽ ചാ​രാ​യ വി​ൽ​പ​ന ന​ട​ത്തി​യ ഒ​രാൾ എ​ക്സൈ​സ് പി​ടിയിൽ. മു​ണ്ട​യ്​​ക്ക​ൽ തെ​ക്കേ​വി​ള മാ​ട​ൻ​ന​ട റെ​യി​ൽ​വേ ഗേ​റ്റി​ന് പ​ടി​ഞ്ഞാ​റ് വ​ശം ദേ​വി​ന​ഗ​ർ44-ൽ ​തോ​ന്ന​ലി​ൽ കി​ഴ​ക്ക​തി​ൽ വീ​ട്ടി​ൽ കു​ഞ്ഞു​മോ​നാ​ണ് (63)​ എക്സൈസ് പി​ടിയിലായ​ത്. ഇ​യാ​ളു​ടെ വീ​ട്ടി​ൽ സൂ​ക്ഷി​ച്ച 20 ലി​റ്റ​ർ ചാ​രാ​യ​വും ചാ​രാ​യം വാ​റ്റാ​ൻ പാ​ക​പ്പെ​ടു​ത്തി​യ 205 ലി​റ്റ​ർ കോ​ട​യും പിടിച്ചെടുത്തിട്ടുണ്ട്.

Read Also : വയോധികയോട് കൊടും ക്രൂരത : സ്വത്ത് തട്ടിയെടുക്കാന്‍ തൊഴുത്തില്‍ ചങ്ങലക്കിട്ട് ക്രൂരമായി മർദ്ദിച്ചു

പ്ര​തി​യു​ടെ വീ​ട്ടി​ൽ വ്യാ​ഴാ​ഴ്ച രാ​വി​ലെ എ​ക്സൈ​സ് സം​ഘ​ത്തി​ന്​ ല​ഭി​ച്ച രഹസ്യ വി​വ​ര​ത്തി​ന്‍റെ അ​ടി​സ്ഥാ​ന​ത്തി​ൽ പ​രി​ശോ​ധ​ന ന​ട​ത്തു​ക​യാ​യി​രു​ന്നു. ചാ​രാ​യം നി​ർ​മി​ച്ച് വി​ദൂ​ര സ്ഥ​ല​ങ്ങ​ളി​ലും പ​ള്ളി​ത്തോ​ട്ടം, മു​ണ്ട​ക്ക​ൽ ബീ​ച്ച് ഭാ​ഗ​ങ്ങ​ളി​ലും എ​ത്തി​ച്ചു വി​ൽ​പ​ന ന​ട​ത്തു​ന്ന​താ​യി​രു​ന്നു ഇ​യാ​ളു​ടെ രീ​തി. ഒ​രു​മാ​സ​മാ​യി എ​ക്സൈ​സ് നി​രീ​ക്ഷ​ണ​ത്തി​ലാ​യി​രു​ന്നു പ്രതി.

കൊ​ല്ലം എ​ക്സൈ​സ് റേ​ഞ്ച് ഇ​ൻ​സ്പെ​ക്ട​ർ ടി. ​രാ​ജു​വി​ന്റെ നേ​തൃ​ത്വ​ത്തി​ൽ എ​ക്സൈ​സ് പ്രി​വ​ന്റീവ് ഓ​ഫീസ​ർ​മാ​രാ​യ എ​സ്. വി​ന​യ​കു​മാ​ർ, എം. ​സു​രേ​ഷ് കു​മാ​ർ, പ്രി​വന്റീവ് ഓ​ഫി​സ​ർ (ഗ്രേ​ഡ്) മി​നേ​ഷ്യ​സ്, സി​വി​ൽ എ​ക്സൈ​സ് ഓ​ഫി​സ​ർ​മാ​രാ​യ എ​ച്ച്. ര​ജീ​ഷ്, ബി. ​ജ​യ​കൃ​ഷ്ണ​ൻ, മ​നു കെ. ​മ​ണി, വ​നി​ത സി​വി​ൽ എ​ക്സൈ​സ് ഓ​ഫി​സ​ർ ഷീ​ജാ​കു​മാ​രി, എ​ക്സൈ​സ് ഡ്രൈ​വ​ർ സ​ന്തോ​ഷ് കു​മാ​ർ എ​ന്നി​വ​ർ പ​രി​ശോ​ധ​ന​യി​ൽ പ​ങ്കെ​ടു​ത്തു. പ്ര​തി​യെ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു.