തലശ്ശേരി: 11 വയസ്സുകാരിയെ പീഡിപ്പിക്കാൻ ശ്രമിച്ച കേസിൽ ഓട്ടോറിക്ഷ ഡ്രൈവർ അറസ്റ്റിൽ. പിലാക്കൂൽ സ്വദേശി സി.പി. സിറാജിനെയാണ് പൊലീസ് അറസ്റ്റ് ചെയ്തത്. തലശ്ശേരി പൊലീസ് ആണ് പ്രതിയെ അറസ്റ്റ് ചെയ്തത്.
Read Also : സഖാവ് ഷാനവാസ് അഞ്ച് നേരം നിസ്‌കരിക്കുന്ന വിശ്വാസി, സിപിഎമ്മിനോട് ഒരു കാര്യം ചോദിക്കാനുണ്ടെന്ന് അഞ്ജു പ്രഭീഷ്
കഴിഞ്ഞ ദിവസം വൈകീട്ടായിരുന്നു കേസിനാസ്പദമായ സംഭവം. കുട്ടിയുടെ സ്കൂളിലെത്തുന്ന ഓട്ടോയുടെ ഡ്രൈവറാണ് ഇയാൾ. ഓട്ടോറിക്ഷയിൽ മോശമായി പെരുമാറിയത് കുട്ടി രക്ഷിതാക്കളെ അറിയിച്ചു. തുടർന്ന്, രക്ഷിതാക്കൾ പൊലീസിൽ പരാതി നൽകുകയായിരുന്നു.
അതേസമയം, സിറാജിനെ ആക്രമിച്ച പെൺകുട്ടിയുടെ പിതാവിനെതിരെയും പൊലീസ് കേസെടുത്തിട്ടുണ്ട്. മർദ്ദനമേറ്റ സിറാജ് തലശ്ശേരി ജനറൽ ആശുപത്രിയിൽ ചികിത്സ തേടിയിരുന്നു. തുടർന്ന്, പൊലീസ് അറസ്റ്റ് ചെയ്ത പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
Post Your Comments