മല്ലപ്പള്ളി: കുന്നന്താനത്ത് തൊഴിലാളി കുത്തേറ്റു മരിച്ചു. മുണ്ടിയപ്പള്ളി ഐക്കുഴി ചേറ്റേടത്ത് ചക്കുങ്കൽ വീട്ടിൽ സി.വി. സജീന്ദ്രനാണ് (സാജു 48) കുത്തേറ്റു മരിച്ചത്. സംഭവവുമായി ബന്ധപ്പെട്ട് തടി വ്യാപാരിയായ മാന്താനം അടവിച്ചിറ മലങ്കാവിൽ വീട്ടിൽ സെബാസ്റ്റ്യൻ മാത്യു (കുമ്പക്കാട് പാപ്പച്ചൻ-63)നെ പൊലീസ് അറസ്റ്റു ചെയ്തു. പ്രതിയെ രക്ഷപ്പെടാൻ സഹായിച്ച പുളിന്താനം വെളളാം പൊയ്കയിൽ അനീഷ് മോനും പൊലീസ് പിടിയിലായിട്ടുണ്ട്.
കുന്നന്താനം ടൗണിൽ ഇന്നലെ വൈകുന്നേരം നാലരയോടെയാണ് സംഭവം. തടി കച്ചവടക്കാരനായ സെബാസ്റ്റ്യനും തൊഴിലാളിയായ സജീന്ദ്രനും തമ്മിൽ ദീർഘകാലമായി അടുത്ത ബന്ധമുണ്ടായിരുന്നു. ഇരുവരും തമ്മിൽ ടൗണിൽ വച്ച് തർക്കവും കയ്യാങ്കളിയും ഉണ്ടായി. തുടർന്ന്, സെബാസ്റ്റ്യൻ വാഹനത്തിൽ സൂക്ഷിച്ചിരുന്ന കത്തിയെടുത്ത് സജീന്ദ്രനെ കുത്തുകയായിരുന്നു.
സജീന്ദ്രനെ നാട്ടുകാർ ചേർന്ന് ഉടനെ തിരുവല്ലയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മഞ്ജുഷയാണ് സജീന്ദ്രന്‍റെ ഭാര്യ, മക്കൾ: ഭാഗ്യലക്ഷ്മി, യദുകൃഷ്ണൻ, ഹരികൃഷ്ണൻ.
Post Your Comments