ന്യൂഡല്‍ഹി: ബസ് യാത്രയ്ക്കിടയിൽ പെണ്‍കുട്ടിയുടെ മുന്നില്‍വെച്ച്‌ സ്വയംഭോഗം ചെയ്ത യുവാവ് പിടിയിൽ. രോഹിണി ഏരിയയിലാണ് സംഭവം. പെണ്‍കുട്ടി ശബ്ദം ഉണ്ടാക്കിയതിനെ തുടര്‍ന്ന് ബസ് ജീവനക്കാരന്റെ നേതൃത്വത്തില്‍ യുവാവിനെ പിടികൂടി. പിടിയിലായതോടെ രക്ഷപ്പെടാനായി പ്രതി കരഞ്ഞുകാലുപിടിക്കുന്ന ദൃശ്യങ്ങൾ സോഷ്യൽ മീഡിയയിൽ പ്രചരിക്കുന്നു.
read also: മദ്യപന്‍ സഹയാത്രക്കാരിയുടെ പുതപ്പില്‍ മൂത്രമൊഴിച്ചു: സംഭവം എയര്‍ ഇന്ത്യ വിമാനത്തില്‍
ബിഹാര്‍ സ്വദേശിയാണ് പിടിയിലായ യുവാവ്. പ്രതിയെ പൊലീസിന് കൈമാറിയെങ്കിലും ഇതുവരെ പരാതിയൊന്നും നല്‍കാത്തതിനാല്‍ അറസ്റ്റ് ചെയ്തിട്ടില്ലെന്ന് മാധ്യമങ്ങൾ റിപ്പോർട്ട് ചെയ്യുന്നു. നോര്‍ത്ത് രോഹിണി പൊലീസ് സ്റ്റേഷന്‍ സബ് ഇന്‍സ്‌പെക്ടര്‍ സുമന്റെ നേതൃത്വത്തില്‍ അന്വേഷണം ആരംഭിച്ചിട്ടുണ്ട്. മൊഴി രേഖപ്പെടുത്തുന്നതിനും പരാതി നല്‍കുന്നതിനുമായി പെണ്‍കുട്ടിയെ ബന്ധപ്പെട്ടെങ്കിലും ഇവര്‍ സമ്മതിച്ചില്ലെന്നും സൂചനയുണ്ട്.
Post Your Comments