കാസർകോഡ്: ലഹരിമരുന്ന് നൽകി മയക്കിക്കിടത്തി പത്തൊമ്പത് വയസുകാരിയായ പെൺകുട്ടിയെ രണ്ട് യുവാക്കൾ ചേർന്ന് പീഡിപ്പിച്ച സംഭവത്തിൽ ഇടനിലക്കാരിയായ യുവതി അറസ്റ്റിൽ. കാസർകോഡ് ബദിയടുക്ക സ്വദേശിനിയായ ബീഫാത്തിമ (42) ആണ് അറസ്റ്റിലായത്. ബീഫാത്തിമ ഉദുമയിലെ രഹസ്യകേന്ദ്രത്തിൽ അതിവിദഗ്ധമായി പെൺകുട്ടിയെ എത്തിക്കുകയായിരുന്നു.
ആഴ്ചകൾക്ക് മുൻപാണ് കേസിനാസ്പദമായ സംഭവം നടന്നത്. പെൺകുട്ടിക്ക് ലഹരിമരുന്ന് നൽകി മയക്കിയ ശേഷം ബീഫാത്തിമ പെൺകുട്ടിയെ രഹസ്യകേന്ദ്രത്തിൽ എത്തിക്കുകയായിരുന്നു. സെക്സ് റാക്കറ്റുമായി ബന്ധപ്പെട്ട കണ്ണിയാണ് ബീഫാത്തിമ. കേസിൽ പോലീസ് രണ്ട് പേരെ അറസ്റ്റ് ചെയ്തിരുന്നു. വനിതാ സെൽ അന്വേഷിച്ചിരുന്ന കേസ് കഴിഞ്ഞ ദിവസമാണ് ക്രൈം ബ്രാഞ്ച് ഏറ്റെടുത്തത്. ഇതിന് പിന്നാലെയാണ് ബീഫാത്തിമയെ അറസ്റ്റ് ചെയ്തത്.
Post Your Comments