ലാവയുടെ ബഡ്ജറ്റ് ഫോണുകൾ ഉടൻ ഇന്ത്യൻ വിപണിയിലെത്തും, സവിശേഷതകൾ അറിയാം

ഇന്ത്യൻ വിപണി കീഴടക്കാൻ ലാവയുടെ ഏറ്റവും പുതിയ ഹാൻഡ്സെറ്റ് ഉടൻ എത്തും. റിപ്പോർട്ടുകൾ പ്രകാരം, ലാവയുടെ പുതിയ ബഡ്ജറ്റ് ഫോണുകളായ ലാവ എക്സ് 3 സ്മാർട്ട്ഫോണുകളാണ് അവതരിപ്പിക്കുക. ഡിസംബർ 20ന് 12 മണി മുതലാണ് സ്മാർട്ട്ഫോണുകളുടെ പ്രീ ഓർഡർ ആരംഭിക്കുന്നത്. ഇവയുടെ സവിശേഷതകൾ അറിയാം.

6.5 ഇഞ്ച് എച്ച്ഡി പ്ലസ് ഡിസ്പ്ലേയാണ് ഈ സ്മാർട്ട്ഫോണുകൾക്ക് നൽകിയിട്ടുള്ളത്. വാട്ടർ ഡ്രോപ്‌ നോച്ച് പാനലോടെയാണ് അവതരിപ്പിച്ചിട്ടുള്ളത്. 8 മെഗാപിക്സൽ മെയിൻ ലെൻസ്, എഐ സെൻസർ എന്നിവയാണ് പിന്നിൽ നൽകിയിരിക്കുന്നത്. മീഡിയാടെക് ഹീലിയോ ചിപ്സൈറ്റിലാണ് പ്രവർത്തനം. 4,000 എംഎഎച്ച് ബാറ്ററി ലൈഫ് ലഭ്യമാണ്.

Also Read: കോവിഡ്: യുഎഇയിൽ ഇന്ന് സ്ഥിരീകരിച്ചത് 56 കേസുകൾ

3 ജിബി റാം സ്റ്റോറേജ് വേരിയന്റിലാണ് ലാവ എക്സ് 3 എത്തുന്നത്. നീല, കറുപ്പ്, കടും പച്ച ഇങ്ങനെ മൂന്ന് കളർ വേരിയന്റുകളിൽ ലഭ്യമാണ്. ഈ സ്മാർട്ട്ഫോണുകളുടെ ഇന്ത്യൻ വിപണി വില 10,000 രൂപയാണ്. അതേസമയം, പ്രീ ഓർഡർ ചെയ്യുന്ന ഉപഭോക്താക്കൾക്ക് വയർലെസ് ഇയർബെഡ്സ് സൗജന്യമായി ലഭിക്കുന്നതാണ്.