ലോകമെമ്പാടുമുള്ള ഏകദേശം 1.7 ദശലക്ഷം ആളുകളെ വൃക്കരോഗം ബാധിക്കുന്നു. ആഗോളതലത്തിൽ അതിവേഗം വളരുന്ന ആറാമത്തെ മരണകാരണമാണിത്. ആരോഗ്യകരമായ ജീവിതം നയിക്കുന്നത് വൃക്കരോഗം ഒരു പരിധി വരെ അകറ്റാൻ സഹായിക്കും. കിഡ്‌നിയുടെ ആരോഗ്യത്തിന് ചെയ്യാൻ കഴിയുന്ന ഏറ്റവും മികച്ച കാര്യങ്ങളിൽ ഒന്നാണ് പതിവായി വ്യായാമം ചെയ്യുന്നത്. കാരണം വ്യായാമം ചെയ്യുന്നത് വിട്ടുമാറാത്ത വൃക്കരോഗം ബാധിക്കാനുള്ള സാധ്യത കുറയ്ക്കാൻ കഴിയും.
വ്യായാമം ചെയ്യുന്നതിലൂടെ ശരീരത്തിന്റെ മെറ്റബോളിസം, രക്തസമ്മർദ്ദം, ഹൃദയാരോഗ്യം എന്നിവ ഒപ്റ്റിമൽ ആയി നിലനിർത്താൻ കഴിയും. പ്രമേഹവും ഉയർന്ന രക്തസമ്മർദ്ദവുമാണ് വൃക്ക തകരാറിലാകാനുള്ള പ്രധാന കാരണം. രക്തത്തിൽ ഗ്ലൂക്കോസിന്റെ അളവ് കൂടുമ്പോൾ അല്ലെങ്കിൽ ഉയർന്ന രക്തസമ്മർദ്ദത്തിന്റെ പ്രശ്നങ്ങൾ ഉണ്ടാകുമ്പോൾ, വൃക്കകൾ കൂടുതൽ കഠിനാധ്വാനം ചെയ്യേണ്ടിവരും.
പഞ്ചസാരയുടെയും സോഡിയത്തിന്റെയും അളവ് വർദ്ധിപ്പിക്കാൻ കഴിയുന്ന എല്ലാത്തരം സംസ്കരിച്ചതും മധുരമുള്ളതുമായ ഭക്ഷണ സാധനങ്ങൾ പരിമിതപ്പെടുത്തുക. സമ്മർദ്ദം നിയന്ത്രിക്കാൻ യോഗ,മെഡിറ്റേഷൻ എന്നിവ ശീലമാക്കുക. ധാരാളം വെള്ളം കുടിക്കുക എന്നതാണ് വൃക്കകളെ സംരക്ഷിക്കാൻ ചെയ്യേണ്ട മറ്റൊരു കാര്യം. ഇത് വൃക്കകളിൽ നിന്ന് സോഡിയവും വിഷവസ്തുക്കളും നീക്കം ചെയ്യാനും വൃക്കയിലെ കല്ലുകളുടെ പ്രശ്നങ്ങൾ തടയാനും സഹായിക്കുന്നു.
രക്തക്കുഴലുകൾ തുറക്കുന്നതിനും അവശ്യ പോഷകങ്ങൾ വിതരണം ചെയ്യുന്ന വൃക്കകളിലേക്ക് കാര്യക്ഷമമായ രക്തചംക്രമണം അനുവദിക്കുന്നതിനും വെള്ളം സഹായിക്കുന്നു. ആരോഗ്യകരമായ ജീവിതശൈലി പിന്തുടരാൻ ശ്രമിക്കുക. ഹൃദ്രോഗം, വൃക്ക തകരാറുകൾ, ഉയർന്ന രക്തസമ്മർദ്ദം, പ്രമേഹം, പൊണ്ണത്തടി എന്നിവ തടയാൻ ഈ ആരോഗ്യകരമായ വഴികൾ സഹായിക്കും. ജീവിതത്തെക്കുറിച്ച് ഒരു നല്ല ചിന്ത നിലനിർത്തുക, ആരോഗ്യത്തോടെ ചിന്തിക്കുക, ആരോഗ്യവാനായിരിക്കുക.
പച്ചക്കറികൾ, പഴങ്ങൾ, ധാന്യങ്ങൾ, കൊഴുപ്പ് കുറഞ്ഞ പാൽ, കുറഞ്ഞ സോഡിയം, കുറഞ്ഞ കൊളസ്ട്രോൾ എന്നിവ അടങ്ങിയ ഭക്ഷണക്രമം പിന്തുടരുക എന്നതാണ് മറ്റ് കാര്യങ്ങൾ. ആരോഗ്യകരമായ ഭക്ഷണക്രമം കൊണ്ട് ഒരാൾക്ക് ഹൃദ്രോഗം, ഉയർന്ന രക്തസമ്മർദ്ദം, പൊണ്ണത്തടി, പ്രമേഹം തുടങ്ങിയ പ്രശ്നങ്ങളെ അകറ്റി നിർത്താം. അങ്ങനെ ചെയ്യുന്നതിലൂടെ വൃക്കകൾ ആരോഗ്യത്തോടെ നിലനിൽക്കും. പുകവലിക്കരുത്, മദ്യം കുടിക്കരുത്, കാരണം ഇത് രക്തസമ്മർദ്ദം വർദ്ധിപ്പിക്കും, ഹൃദയാഘാത സാധ്യത വർദ്ധിപ്പിക്കും.
Post Your Comments