തിരുവനന്തപുരം: വിഴിഞ്ഞം സമരത്തില്‍ തീവ്രവാദ സാന്നിധ്യം ഉണ്ടെന്ന് സംശയം. ഇതിന്റെ പശ്ചാത്തലത്തില്‍ ആക്രമണ ദൃശ്യങ്ങള്‍ പരിശോധനയ്ക്ക് എന്‍ഐഎ വിധേയമാക്കി. തലസ്ഥാനത്തെ പോപ്പുലര്‍ ഫ്രണ്ടുകാര്‍ എന്‍ഐഎയുടെ നിരീക്ഷണത്തിലാണ്.
പോപ്പുലര്‍ ഫ്രണ്ടിന്റെ ബി ടീമായി പ്രവര്‍ത്തിക്കുന്ന എസ്ഡിപിഐയുടെ സംസ്ഥാന പ്രസിഡന്റ് മൂവാറ്റുപുഴ അഷ്‌റഫ് മൗലവി സമരത്തില്‍ പങ്കെടുത്തിരുന്നു .വിഴിഞ്ഞം സമരത്തില്‍ സഹകരിച്ചിട്ടുണ്ടോയെന്നും തുടര്‍ സഹകരണമുണ്ടായോ എന്ന കാര്യവുമാണ് എന്‍ഐഎ പരിശോധിക്കുന്നത്.
പോപ്പുലര്‍ ഫ്രണ്ടിന്റെ പരിസ്ഥിതി സംഘടനയായിരുന്ന ഗ്രീന്‍ മൂവ്മെന്റിലെ അംഗങ്ങള്‍ പ്രതിഷേധക്കാര്‍ക്കിടയില്‍ നുഴഞ്ഞു കയറിയിരുന്നു. ഇവര്‍ക്ക് പുറമേ ചില തീവ്ര ഇടത് അനുകൂല സംഘടനകളും, ഇസ്ലാമിക സംഘടനകളും പ്രതിഷേധക്കാര്‍ക്കിടയിലേക്ക് നുഴഞ്ഞു കയറിയിട്ടുണ്ട്. ഇവരുടെ ബിനാമി അക്കൗണ്ടുകളും പരിശോധനയ്ക്ക് വിധേയമാക്കും. സംസ്ഥാന പോലീസില്‍ നിന്ന് ലഭിച്ച വിവരങ്ങള്‍ എന്‍.ഐ.എ ഉദ്യോഗസ്ഥര്‍ പരിശോധിക്കുകയാണ്.
Post Your Comments