പഞ്ചാബ്: സംസ്ഥാനത്തെ 95 ശതമാനത്തിലധികം കുടുംബങ്ങൾക്കും വരും മാസങ്ങളിൽ സൗജന്യ വൈദ്യുതി ലഭിക്കുമെന്ന് പഞ്ചാബ് മുഖ്യമന്ത്രി ഭഗവന്ത് മാൻ. രണ്ട് മാസത്തെ ബില്ലിംഗ് സൈക്കിളിൽ ഗാർഹിക ഉപഭോക്താക്കൾക്ക് സംസ്ഥാന സർക്കാർ 600 യൂണിറ്റ് സൗജന്യ വൈദ്യുതി നൽകുന്നുണ്ടെന്ന് അദ്ദേഹം വ്യക്തമാക്കി.
‘ഇതാദ്യമായി, പഞ്ചാബിലെ 86 ശതമാനം കുടുംബങ്ങൾക്കും സൗജന്യ വൈദ്യുതി ലഭിച്ചു. വരും മാസങ്ങളിൽ 95 ശതമാനത്തിലധികം കുടുംബങ്ങൾക്കും ഇതിന്റെ പ്രയോജനം ലഭിക്കും. ഈ നീക്കം ഗാർഹിക ഉപഭോക്താക്കൾക്ക് വലിയ ആശ്വാസമാണ്. ഇതുവരെ വൈദ്യുതിക്കായി എല്ലാ മാസവും വൻ തുക ചെലവഴിക്കേണ്ടി വന്നിരുന്നു,’ ഭഗവന്ത് മാൻ പറഞ്ഞു.
ഭരണഘടനയുടെ കാവൽഭടന്മാരാണ് മാധ്യമങ്ങൾ: ചീഫ് സെക്രട്ടറി വി പി ജോയ്
‘സംസ്ഥാന സർക്കാർ വാഗ്‌ദാനം ചെയ്യുന്നതെന്തും നടപ്പിലാക്കുന്നു. നല്ല ഉദ്ദേശത്തോടെ ചെയ്യുന്ന പ്രവർത്തനങ്ങൾ എപ്പോഴും നല്ല ഫലം നൽകുന്നു. തങ്ങളുടെ വീടുകളിൽ സൗജന്യ വൈദ്യുതി ലഭിക്കുമെന്ന് പഞ്ചാബികൾ സ്വപ്നത്തിൽ പോലും കരുതിയിരുന്നില്ല. സംസ്ഥാന സർക്കാരിന്റെ ശ്രമഫലമായി ഇത് യാഥാർത്ഥ്യമായി,’ മുഖ്യമന്ത്രി ഔദ്യോഗിക പ്രസ്താവനയിൽ പറഞ്ഞു.
Post Your Comments