ഇരുപതുവർഷംമുമ്പ് കണ്ട കേരളമല്ലിത്, ചിലയിടങ്ങളിൽ നിന്ന് കിട്ടുന്നത് അവ​ഗണന മാത്രം: -ഷക്കീല

തൃശ്ശൂർ: ഇരുപതുവർഷംമുമ്പ് താൻ കണ്ട കേരളമല്ലിതെന്നും മലയാളികളുടെ മനോഭാവത്തിൽ ഒത്തിരി മാറ്റങ്ങൾ വന്നിട്ടുണ്ടെന്നും ക്വീർ കമ്യൂണിറ്റിയെ ചേർത്തുനിർത്തുന്ന കേരള സർക്കാരിനോടു നന്ദിയുണ്ടെന്നും ചലച്ചിത്രനടി ഷക്കീല. സാഹിത്യ അക്കാദമി ചങ്ങമ്പുഴ ഹാളിൽ സംഘടിപ്പിച്ച ‘സഹയാത്രിക’യുടെ 20-ാം വാർഷികാഘോഷപരിപാടിയായ ‘ഇടം’ സമാപനസമ്മേളനം ഉദ്ഘാടനം ചെയ്യുകയായിരുന്നു.

കോഴിക്കോട്ട് സിനിമാ ട്രെയിലർ ലോഞ്ചിന് അനുമതി നിഷേധിച്ച വിഷയത്തിൽ ചോദ്യങ്ങളുയർന്നപ്പോൾ ചിലയിടങ്ങളിൽ തനിക്ക് അവഗണനയാണെന്നും ഇടംപോലുള്ള വേദികളിൽ കിട്ടുന്ന സ്വീകാര്യതയിൽ സന്തോഷമുണ്ടെന്നും ഷക്കീല പറഞ്ഞു. ഇരുപതുവർഷങ്ങൾക്കുശേഷമാണ് താൻ വേദിയിൽ ചുവടുവയ്ക്കുന്നതെന്നും ഷക്കീല പറഞ്ഞു