നെടുമങ്ങാട്: ഇരിഞ്ചയം സ്വദേശിയായ വീട്ടമ്മയെ രാത്രി വീട്ടിൽ കയറി ആക്രമിച്ച് വീട് തകർത്ത അയൽവാസി പൊലീസ് പിടിയിൽ. ഇരിഞ്ചയം മണകാട്ടിൽ വീട്ടിൽ രമേശ്(49) ആണ് അറസ്റ്റിലായത്.
കഴിഞ്ഞ 16ന് രാത്രി 9.15 നായിരുന്നു കേസിനാസ്പദമാ. സംഭവം. ഭർത്താവും മകളുമൊത്ത് വീടിന്‍റെ സിറ്റൗട്ടിൽ ഇരുന്ന വീട്ടമ്മയുമായി മദ്യലഹരിയിൽ ആയിരുന്ന രമേശ് വഴക്കിടുകയും ഭർത്താവിനെ ചീത്ത വിളിക്കുകയും ചെയ്തു. തുടർന്ന്, ഭർത്താവിനെ ദേഹോപദ്രവം ചെയ്യുന്നത് തടയാൻ ശ്രമിച്ചപ്പോൾ രമേശ് വീട്ടമ്മയെ ആക്രമിക്കുകയായിരുന്നു.
നെടുമങ്ങാട് എസ്ഐമാരായ ശ്രീനാഥ്, റോജാമോൻ, കെ.ആർ.സൂര്യ, എസ്‌സിപിഓ അനൂജ് എന്നിവർ അടങ്ങിയ സംഘമാണ് അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Post Your Comments