ഇരിട്ടി: പീഡനക്കേസിൽ ജയിലിൽനിന്നിറങ്ങിയ പ്രതി പോക്സോ കേസിൽ വീണ്ടും അറസ്റ്റിൽ. കിളിയന്തറ സ്വദേശി തേങ്ങാട്ടുപറമ്പിൽ മനാഫിനെയാണ് (24) പൊലീസ് അറസ്റ്റ് ചെയ്തത്. ഇരിട്ടി എസ്.ഐ എം.പി. ഷാജി ആണ് യുവാവിനെ അറസ്റ്റ് ചെയ്തത്.
സ്റ്റേഷൻ പരിധിയിൽ പ്രായപൂർത്തിയാകാത്ത പെൺകുട്ടിയെ 2020-ൽ പ്രണയം നടിച്ച് പീഡിപ്പിച്ച കേസിൽ ജയിലിലായിരുന്ന ഇയാൾ പുറത്തിറങ്ങിയശേഷം പ്രായപൂർത്തിയാകാത്ത പെൺകുട്ടിയെ നിരന്തരം ശല്യം ചെയ്തതോടെ പൊലീസിൽ പരാതി നൽകുകയായിരുന്നു.
പെൺകുട്ടിയുടെ മൊഴി പ്രകാരം പൊലീസ് പോക്സോ നിയമപ്രകാരം കേസെടുത്ത് പ്രതിയെ അറസ്റ്റ് ചെയ്യുകയായിരുന്നു. കോടതിയിൽ ഹാജരാക്കിയ പ്രതിയെ രണ്ടാഴ്ചത്തേക്ക് റിമാൻഡ് ചെയ്തു.
Post Your Comments