കൊച്ചി: തോക്കുമായി മാര്‍ക്കറ്റില്‍ എത്തിയ യുവാവ് നാട്ടുകാരെ പരിഭ്രാന്തിയിലാഴ്ത്തി. എറണാകുളം വരാപ്പുഴയിലാണ് സംഭവം. കഴിഞ്ഞ ദിവസം രാവിലെയാണ് നാടകീയ രംഗങ്ങള്‍ അരങ്ങേറിയത്. വടക്കേക്കര ആളംതുരുത്തില്‍ വാടകയ്ക്ക് താമസിക്കുന്ന നായരമ്പലം സ്വദേശി ജോസ് സെബാസ്റ്റ്യനാണ് കഞ്ചാവിന്റെ ലഹരിയില്‍ തോക്കുമായി മാര്‍ക്കറ്റില്‍ എത്തിയത്.
Read Also: അരുണാചല്‍ പ്രദേശ് ഹെലികോപ്റ്റര്‍ അപകടം: കാരണം പുറത്തുവിട്ട് സൈന്യം
തോക്ക് കയ്യിലെടുത്ത് ലോഡ് ചെയ്യുന്നതായി സംശയം തോന്നിയതോടെ വ്യാപാരികളും നാട്ടുകാരും ആശങ്കയിലായി. ഇവര്‍ ഉടന്‍ പൊലീസിനെ വിളിച്ച് വിവരം അറിയിച്ചു. പൊലീസ് സ്ഥലത്തെത്തി ഇയാളെ കസ്റ്റഡിയില്‍ എടുക്കുകയായിരുന്നു. അന്വേഷണത്തില്‍ ഇയാളുടെ കയ്യിലുണ്ടായിരുന്നത് എയര്‍ പിസ്റ്റളായിരുന്നു എന്നു കണ്ടെത്തി. ലൈസന്‍സ് ആവശ്യമില്ലാത്ത ഈ പിസ്റ്റള്‍ അപകടകാരിയല്ലെന്ന് പൊലീസ് പറഞ്ഞു.
ജോസ് സെബാസ്റ്റ്യന്റെ ഭാര്യ സ്റ്റേഷനില്‍ എത്തി തോക്ക് വാങ്ങിയതിന്റെ രേഖകളും മറ്റും ഹാജരാക്കിയതോടെ പൊലീസ് ജാമ്യത്തില്‍ വിട്ടയച്ചു. കഞ്ചാവ് കൈവശം വച്ചതിന്റെ പേരിലും ഇയാള്‍ക്കെതിരെ കേസെടുത്തിട്ടുണ്ട്.
Post Your Comments