പാരിപ്പള്ളിയിലും കൊട്ടിയത്തും എം ഡി എം എയുമായി യുവാക്കള്‍ പൊലീസ് പിടിയിൽ

പാരിപ്പള്ളി: പാരിപ്പള്ളിയിലും കൊട്ടിയത്തും എം ഡി എം എയുമായി യുവാക്കള്‍ അറസ്റ്റിൽ. പാരിപ്പള്ളി എഴിപ്പുറം സ്വദേശി വി. ഗോകുല്‍ (20 ), വര്‍ക്കല പനയറ സ്വദേശി ആര്‍. ശരത്ത് (21), വര്‍ക്കല പനയറ സ്വദേശി എസ്. ആരോമല്‍ (22), വര്‍ക്കല കോവൂര്‍ സ്വദേശി ബി. വൈശാഖ് (25), വര്‍ക്കല മുട്ടപ്പാലം സ്വദേശി ബി. അഭിനന്ദ് (21) എന്നിവരാണ് പൊലീസ് പിടിയിലായത്. പാരിപ്പള്ളി പോലീസ് നടത്തിയ പരിശോധനയില്‍ എഴിപ്പുറം ഭാഗത്തു നിന്നുമാണ് ഇവർ അറസ്റ്റിലായത്.

ദിനം പ്രതി കൂടിവരുന്ന ലഹരി ഉപയോഗവും വിതരണവും തടയുന്നതിന്‍റെ ഭാഗമായി സിറ്റി പൊലീസ് നടത്തിയ പരിശോധനയില്‍ ആണ് ഇവർ പിടിയിലയത്. പ്രതികളില്‍ നിന്നും മാരക ലഹരിമരുന്നായ എം ഡി എം എ കണ്ടെടുത്തു.

Read Also : ഇക്കാലയളവിൽ സ്ത്രീകൾ മാനസികാരോഗ്യ വൈകല്യങ്ങൾക്ക് കൂടുതൽ സാധ്യതയുള്ളവരാണോ?: പഠനം

കൊട്ടിയം പൊലീസ് നടത്തിയ പരിശോധനയില്‍ ഉമയനല്ലൂര്‍ സ്വദേശി എ. റഫീക്ക് (29) ആണ് മയ്യനാട് കുണ്ടുകുളം ഭാഗത്തു നിന്ന് അറസ്റ്റിലായത്. ഇയാളില്‍നിന്ന് നാല് ഗ്രാം കഞ്ചാവും 1.29 ഗ്രാം എം ഡി എം എയും കണ്ടെടുത്തു. വരും ദിവസങ്ങളിലും കര്‍ശന പരിശോധന തുടരുമെന്ന് ജില്ല പൊലീസ് മേധാവി മെറിന്‍ ജോസഫ് അറിയിച്ചു. പ്രതികളെ കോടതിയിൽ ഹാജരാക്കി.