മോട്ടോറോള ജി72 വിപണിയിൽ അവതരിപ്പിച്ചു, വിലയും സവിശേഷതയും അറിയാം

പ്രമുഖ സ്മാർട്ട്ഫോൺ നിർമ്മാതാക്കളായ മോട്ടോറോള ഏറ്റവും പുതിയ ഹാൻഡ്സെറ്റ് ഇന്ത്യൻ വിപണിയിൽ അവതരിപ്പിച്ചു. മോട്ടോറോള ജി72 സ്മാർട്ട്ഫോണുകളാണ് പുറത്തിറക്കിയിരിക്കുന്നത്. ഫോട്ടോഗ്രാഫിക്ക് പ്രാധാന്യം നൽകുന്നവർക്ക് ഏറ്റവും മികച്ച ഓപ്ഷനാണ് ഈ സ്മാർട്ട്ഫോണുകൾ. മോട്ടോറോള ജി72 സ്മാർട്ട്ഫോണിന്റെ വിലയും സവിശേഷതയും പരിചയപ്പെടാം.

6.55 ഇഞ്ച് ഫുൾ എച്ച്ഡി പ്ലസ് പിഒഎൽഇഡി ഡിസ്പ്ലേയാണ് ഈ സ്മാർട്ട്ഫോണുകൾക്ക് നൽകിയിരിക്കുന്നത്. 2,460×1080 പിക്സൽ റെസല്യൂഷൻ കാഴ്ചവയ്ക്കുന്നുണ്ട്. മീഡിയടെക് ഹീലിയോ ജി99 പ്രോസസറിൽ പ്രവർത്തിക്കുന്ന ഈ സ്മാർട്ട്ഫോണുകളുടെ ഓപ്പറേറ്റിംഗ് സിസ്റ്റം ആൻഡ്രോയ്ഡ് 12 ആണ്. 6 ജിബി റാം പ്ലസ് 128 ജിബി ഇന്റേണൽ സ്റ്റോറേജ് ഉളള വേരിയന്റാണ് വാങ്ങാൻ സാധിക്കുക.

Also Read: വാട്സ്ആപ്പ് സേവനം നൽകാനൊരുങ്ങി പഞ്ചാബ് നാഷണൽ ബാങ്ക്, കൂടുതൽ വിവരങ്ങൾ അറിയാം

108 മെഗാപിക്സൽ, 8 മെഗാപിക്സൽ, 2 മെഗാപിക്സൽ ട്രിപ്പിൾ പിൻ ക്യാമറയാണ് നൽകിയിട്ടുള്ളത്. 16 മെഗാപിക്സലാണ് സെൽഫി ക്യാമറ. 5,000 എംഎഎച്ച് ബാറ്ററി ലൈഫ് ലഭ്യമാണ്. മോട്ടോറോള ജി72 സ്മാർട്ട്ഫോണുകളുടെ ഇന്ത്യൻ വിപണി വില 18,999 രൂപയാണ്.