കുട്ടികളും മുതിര്‍ന്നവരും ഒരുപോലെ ഇഷ്ടപ്പെടുന്ന ഒരു മധുര പലഹാരമാണ് ബര്‍ഫി. എന്നാല്‍, അത് ആരും വീട്ടിലുണ്ടാക്കുന്ന കാര്യത്തെ കുറിച്ച് ചിന്തിച്ചിട്ടു കൂടി ഉണ്ടാകില്ല. എന്നാല്‍, മില്‍ക്ക് പൗഡര്‍ ബര്‍ഫി വീട്ടിലുണ്ടാക്കാന്‍ വളരെ എളുപ്പമാണ്.
ചേരുവകള്‍ :
നെയ്യ് -1/2 കപ്പ്
മില്‍ക് – 3/4 കപ്പ്
മില്‍ക്ക് പൗഡര്‍ – 2.1/2 കപ്പ്
പഞ്ചസാര – 1/2 കപ്പ്
എലക്കാ പൗഡര്‍ – 1/4 ടീസ്പൂണ്‍
പിസ്തായോ, കശുവണ്ടി പരിപ്പോ, ബാദാമോ ചോപ്പ് ചെയ്തത് – 4 സ്പൂണ്‍
Read Also : പീനട്ട് ബട്ടർ ദിവസേന കഴിക്കുന്നവർ ഈ പാർശ്വഫലങ്ങൾ അറിഞ്ഞോളൂ
തയ്യാറാക്കുന്ന വിധം:
അടിഭാഗം കട്ടിയുള്ള ഒരു പാത്രം എടുത്ത് ചൂടാക്കുക. അതിലേക്ക് ആദ്യം നെയ്യ് ഒഴിക്കുക. ശേഷം ഡ്രൈ നട്‌സ് ഒഴികെ മുകളില്‍ പറഞ്ഞിരിക്കുന്ന ഐറ്റംസ് എല്ലാം ചെര്‍ത്ത് അടിയില്‍ പിടിക്കാതേ ഇളക്കുക. പാത്രത്തിൽ നിന്ന് വിട്ട് പോരുന്ന ഒരു പരുവം ആകുമ്പോ ഒരു ട്രേയില്‍ കുറച്ച് നെയ്യ് പുരട്ടി അതിലേക്ക് പാകമായ കൂട്ട് ഒഴിച്ച് തവി കൊണ്ട് പരത്തി വെക്കുക. ശേഷം ചോപ് ചെയ്ത നട്‌സ് മുകളില്‍ വിതറുക. ഒന്ന് തണുത്ത് കട്ടയാകുമ്പോള്‍ ആവശ്യമുള്ള ആകൃതിയില്‍ കട്ട് ചെയ്ത് സെര്‍വ്വ് ചെയ്യാം.
Post Your Comments