പ്രഭാതഭക്ഷണമായി തയ്യാറാക്കാം അവല്‍ ഉപ്പുമാവ്

കുട്ടികളും മുതിര്‍ന്നവരും ഒരുപോലെ ഇഷ്ടപ്പെടുന്ന ഒരു വിഭവമാണ് അവല്‍ ഉപ്പുമാവ്. പൊതുവേ അവല്‍ നനച്ച് നമ്മള്‍ കഴിച്ചിട്ടുണ്ടെങ്കിലും ആരും ഉപ്പുമാവ് തയാറാക്കിയിട്ടുണ്ടാകില്ല. എന്നാല്‍, ഉണ്ടാക്കാന്‍ വളരെ എളുപ്പമുള്ള ഒന്നാണ് അവല്‍ ഉപ്പുമാവ്. അത് തയ്യാറാക്കുന്നത് എങ്ങനെയാണെന്ന് നോക്കാം

ആവശ്യമായ സാധനങ്ങള്‍

അവല്‍ – 2 കപ്പ്

സവാള – 1 (നീളത്തില്‍ നേര്‍മയായി അരിഞ്ഞത്)

കറിവേപ്പില – ഒരു തണ്ട്

കപ്പലണ്ടി – ഒരു പിടി

പച്ചമുളക് – 2

കടുക് – 1 ടി സ്പൂണ്‍

കടല പരിപ്പ് – 1 ടി സ്പൂണ്‍

ജീരകം – ഒരു നുള്ള്

മഞ്ഞള്‍പൊടി – ഒരു നുള്ള്

ഉപ്പ് – ആവശ്യത്തിന്

എണ്ണ – 1 ടേബിള്‍സ്പൂണ്‍

തയ്യാറാക്കുന്ന വിധം

അവല്‍ നനച്ചു മാറ്റി വെക്കുക (രണ്ട് കപ്പ് അവലിനു ഒരു കപ്പ് വെള്ളം എന്ന കണക്കില്‍ ). ഒരു പാനില്‍ എണ്ണ ചൂടാക്കി കടുക്, ജീരകം ഇവ പൊട്ടിക്കുക. കറിവേപ്പില ചേര്‍ക്കുക. കടല പരിപ്പും കപ്പലണ്ടിയും ചുവക്കുന്ന വരെ വറക്കുക. മഞ്ഞള്‍പൊടിയും, കായവും ചേര്‍ത്ത് അതിലേക്കു ഉള്ളിയും പച്ചമുളകും ഇട്ട് വഴറ്റുക. ആവശ്യത്തിനു ഉപ്പ് ചേര്‍ക്കുക. ഉള്ളിയുടെ നിറം മാറി തുടങ്ങുമ്പോള്‍ നനച്ച അവല്‍ ചേര്‍ത്ത് ഇളക്കി 2 മിനിറ്റ് അടച്ചു വേവിക്കുക. അവല്‍ ഉപ്പുമാവ് തയ്യാര്‍.