റെഡ്മിയുടെ ഏറ്റവും പുതിയ ഹാൻഡ്സെറ്റ് ഇന്ത്യൻ വിപണിയിൽ അവതരിപ്പിച്ചു, സവിശേഷതകൾ അറിയാം

റെഡ്മിയുടെ ഏറ്റവും പുതിയ സ്മാർട്ട്ഫോണായ റെഡ്മി പ്രൈം 11 5ജി ഇന്ത്യൻ വിപണിയിൽ അവതരിപ്പിച്ചു. എൻട്രി ലെവൽ ശ്രേണിയിലെ ഈ സ്മാർട്ട്ഫോണുകളിൽ നിരവധി സവിശേഷതകളാണ് ഉൾക്കൊള്ളിച്ചിട്ടുള്ളത്. റെഡ്മി പ്രൈം 11 5ജിക്ക് പുറമേ, റെഡ്മി പ്രൈം 11 4ജി, റെഡ്മി എ1 എന്നീ സ്മാർട്ട്ഫോണുകളും പുറത്തിറക്കിയിട്ടുണ്ട്. കുറഞ്ഞ വിലയ്ക്ക് സ്മാർട്ട്ഫോൺ വാങ്ങാൻ ആഗ്രഹിക്കുന്നവർക്ക് ഏറ്റവും മികച്ച ഓപ്ഷനുകളിൽ ഒന്നാണ് റെഡ്മി പ്രൈം 11 5ജി. ഇവയുടെ ഫീച്ചറുകൾ പരിചയപ്പെടാം.

6.58 ഇഞ്ച് ഫുൾ എച്ച്ഡി പ്ലസ് ഡിസ്പ്ലേയാണ് നൽകിയിട്ടുള്ളത്. 90 ഹെർട്സ് റിഫ്രഷ് റേറ്റ് ലഭ്യമാണ്. മെഡോ ഗ്രീൻ, ക്രോം സിൽവർ, തണ്ടർ ബ്ലാക്ക് എന്നിങ്ങനെ മൂന്ന് കളർ വേരിയന്റിലാണ് പുറത്തിറക്കിയിരിക്കുന്നത്. മീഡിയടെക് 700 പ്രോസസറിലാണ് പ്രവർത്തനം. 50 മെഗാപിക്സൽ പ്രൈമറി ക്യാമറ പിന്നിലും 8 മെഗാപിക്സൽ സെൽഫി ക്യാമറ മുന്നിലും നൽകിയിട്ടുണ്ട്.

Also Read: വിവോ വൈ75 എസ് 5ജി: ചൈനീസ് വിപണിയിൽ അവതരിപ്പിച്ചു

റെഡ്മി പ്രൈം 11 5ജി സ്മാർട്ട്ഫോണുകളുടെ 4 ജിബി റാം പ്ലസ് 64 ജിബി ഇന്റേണൽ സ്റ്റോറേജ് വേരിയന്റിന് 14,999 രൂപയാണ് വില. സെപ്റ്റംബർ 9 മുതലാണ് ഈ സ്മാർട്ട്ഫോണുകൾ വാങ്ങാൻ സാധിക്കുക.