പേരൂര്‍ക്കട: മൂന്ന് കിലോ കഞ്ചാവുമായി അന്യസംസ്ഥാന തൊഴിലാളി പൊലീസ് പിടിയിൽ. പശ്ചിമ ബംഗാള്‍ ജയ്പാല്‍ഗുരി ഗൊസൈര്‍ഹട്ട് സ്വദേശി സുശീല്‍ മണ്ഡല്‍ (29) ആണ് പിടിയിലായത്. പൂജപ്പുര പൊലീസ് ആണ് പിടികൂടിയത്.
Read Also : തൊഴിലാളിയെ മർദിച്ച സംഭവം: പൊലീസിലെ ക്രിമിനല്‍ സംഘങ്ങളെ നിലയ്ക്കു നിർത്തണമെന്ന് വി.ബി ബിനു
തിരുവനന്തപുരത്ത് ജോലിയില്‍ ഏര്‍പ്പെടുകയും ബംഗാളില്‍ നിന്നു കഞ്ചാവ് ട്രെയിന്‍ മാര്‍ഗം എത്തിച്ച് തിരുവനന്തപുരത്ത് വില്‍പ്പന നടത്തുകയാണ് ഇയാളുടെ രീതിയെന്ന് പൊലീസ് പറഞ്ഞു. അന്യസംസ്ഥാന തൊഴിലാളികൾ കഞ്ചാവ് വില്‍പ്പന നടത്തിവരുന്നതായി ലഭിച്ച വിവരത്തിന്‍റെ അടിസ്ഥാനത്തില്‍ നടത്തിയ നിരീക്ഷണത്തിലാണ് ഇയാള്‍ വലയിലായത്.
നര്‍ക്കോട്ടിക് സെല്‍ എസി ഷീന്‍ തറയില്‍, പൂജപ്പുര സിഐ റോജ്, എസ്ഐ പ്രവീണ്‍, ക്രൈം എസ്ഐ ശിവപ്രസാദ്, എഎസ്ഐ ഷിബു, ക്രൈം ടീം അംഗങ്ങള്‍ എന്നിവര്‍ ചേര്‍ന്നാണ് പ്രതിയെ പിടികൂടിയത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
Post Your Comments