അബുദാബി: ലോക മാനുഷിക ദിനത്തിൽ സന്നദ്ധപ്രവർത്തകർക്ക് ആദരവ് അർപ്പിച്ച് യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിൻ റാഷിദ് അൽ മക്തൂം. എല്ലാ വർഷവും ഓഗസ്റ്റ് 19 നാണ് ലോക മാനുഷിക ദിനം ആചരിക്കുന്നത്.
യുഎഇയുടെ സ്ഥാപക പിതാവിന്റെ മാനുഷിക ദർശനം ശൈഖ് മുഹമ്മദ് അനുസ്മരിച്ചു, ‘തങ്ങൾ സായിദ് അൽ-ഖൈറിനെ ഓർക്കുന്നു, അദ്ദേഹത്തിന്റെ നന്മയുടെ സന്ദേശം തങ്ങൾ സ്മരിക്കുന്നുവെന്നും’ അദ്ദേഹം പറഞ്ഞു.
97 രാജ്യങ്ങളിൽ പ്രവർത്തിക്കുകയും കഴിഞ്ഞ വർഷം 91 ദശലക്ഷം ഗുണഭോക്താക്കളിലേക്ക് എത്തിച്ചേരാൻ സഹായിക്കുകയും ചെയ്ത ശൈഖ് മുഹമ്മദ് ബിൻ റാഷിദ് അൽ മക്തൂം ഫൗണ്ടേഷനിലെ 145,000 സന്നദ്ധപ്രവർത്തകർക്ക് അദ്ദേഹം നന്ദി അറിയിക്കുകയും ചെയ്തു.
Post Your Comments