ദുബായ്: അഞ്ച് വയസിന് താഴെയുള്ള കുട്ടികൾക്ക് മുതിർന്നവർക്കുള്ള പൂളുകൾ ഉപയോഗിക്കാൻ അനുവാദമില്ലെന്ന അറിയിപ്പുമായി ദുബായ് മുൻസിപ്പാലിറ്റി. ഇക്കാര്യം വ്യക്തമാക്കി ഹോട്ടലുമകൾക്ക് സർക്കുലർ നൽകി. എല്ലാ സമയത്തും പൂൾ ഏരിയയിൽ കുട്ടികൾക്കൊപ്പം മാതാപിതാക്കൾ ഉണ്ടായിരിക്കണമെന്നാണ് നിർദ്ദേശം.
ദുബായ് മുനിസിപ്പാലിറ്റിയുടെ ആരോഗ്യ-സുരക്ഷാ വകുപ്പിന് കീഴിലുള്ള പരിസ്ഥിതി ആരോഗ്യ വിഭാഗമാണ് ഇതുസംബന്ധിച്ച സർക്കുലർ പുറപ്പെടുവിച്ചത്. പൂൾ ഏരിയയ്ക്കും ഉപയോക്താക്കളുടെ എണ്ണത്തിനും അനുസൃതമായി മതിയായ ലൈഫ് ഗാർഡുകളെ നിയമിക്കണമെന്നും നിർദ്ദേശമുണ്ട്.
രക്ഷാപ്രവർത്തനത്തിനല്ലാതെ മറ്റൊരു ഡ്യൂട്ടിക്കും ലൈഫ് ഗാർഡുകളെ നിയോഗിക്കരുതെന്നും രക്ഷാപ്രവർത്തനം, നീന്തൽക്കുള മേൽനോട്ടം എന്നിവ സംബന്ധിച്ച് മതിയായ യോഗ്യതകളും പരിശീലനവും ലൈഫ് ഗാർഡുകൾക്ക് നൽകിയിട്ടുണ്ടെന്ന് ഉറപ്പുവരുത്തണമെന്നും മുൻസിപ്പാലിറ്റി അറിയിച്ചു.
Post Your Comments