സുബ്രഹ്മണ്യ പഞ്ചരത്നം

വിമലനിജപദാബ്ജം വേദവേദാന്തവേദ്യം
മമകുലഗുരുദേഹം വാദ്യഗാനപ്രമോഹം
രമണസുഗുണജാലം രങ്ഗരാഢ്ഭാസിതനേയം ।
കമലജനുതപാദം കാര്‍തികേയം ഭജാമി ॥ 1॥

ശിവശരവണജാതം ശൈവയോഗപ്രഭാവം
ഭവഹിതഗുരുനാഥം ഭക്തബൃന്ദപ്രമോദം ।
നവരസമൃദുപാദം നാദഹ്രീംകാരരൂപം
കവനമധുരസാരം കാര്‍തികേയം ഭജാമി ॥ 2॥

പാകാരാതിസുതാമുഖാബ്ജമധുരം ബാലേന്ദുമൌലീശ്വരം
ലോകാനുഗ്രഹകാരണം ശിവസുതം ലോകേശതത്വപ്രദം ।
രാകാചന്ദ്രസമാനചാരുവദനമംഭോരുഹവല്ലീശ്വരം
ഹ്രീംകാരപ്രണവസ്വരൂപലഹരീം ശ്രീകാര്‍തികേയം ഭജേ ॥ 3॥

മഹാദേവജാതം ശരവണഭവം മന്ത്രശരഭം
മഹത്തത്വാനന്ദം പരമലഹരീമന്ദമധുരം ।
മഹാദേവാതീതം സുഖഗണയുതം മന്ത്രവരദം
ഗുഹം വല്ലീനാഥം മമ ഹൃദി ഭജേ ഗൃദ്ധഗിരിശം ॥ 4॥

നിത്യാകാരാന്നിഖിലവരദ നിര്‍മലം ബ്രഹ്മതത്വം
നിത്യന്ദേവൈര്‍വിനുത ചരണ നിര്‍വികല്‍പാദിയോഗം ।
നിത്യാഢ്യാന്തം നിഗമവിദിത നിര്‍ഗുണന്ദേവനിത്യം
വന്ദേ മമ ഗുരുവരനിര്‍മലം കാര്‍തികേയം ॥5॥

॥ ഇതി ശ്രീസുബ്രഹ്മണ്യപഞ്ചരത്നം സമ്പൂര്‍ണം ॥