കൊല്ലം: മദ്യപാനത്തെ തുടർന്നുള്ള വാക്കേറ്റത്തിനിടെ യുവാവിന്റെ നെഞ്ചിൽ സ്ക്രൂ ഡ്രൈവർ കൊണ്ട് കുത്തിമുറിപ്പെടുത്തിയ ആൾ അറസ്റ്റിൽ. കൊല്ലം പരവൂരിലായിരുന്നു സംഭവം. കോങ്ങാൽ സ്വദേശിയായ സജിനാണ് ആക്രമണത്തിന് ഇരയായത്.
ഗുരുതരമായ മുറിവായതിനാൽ സജിൻ ചികിത്സയിലാണ്. കേസിൽ പരവൂർ പൊഴിക്കര തെക്കേമുള്ളിൽ അബ്ദുൾ വാഹിദിനെ (38) പരവൂർ പൊലീസ് അറസ്റ്റ് ചെയ്തു. ഇരുവരും ശനിയാഴ്ച ഒരുമിച്ചിരുന്ന് മദ്യപിക്കുന്നതിനിടെയാണ് സംഭവം.
തർക്കത്തെ തുടർന്ന് സജിന്റെ വീട്ടിലെത്തിയ അബ്ദുൾ വാഹിദ് കൈയിൽ കരുതിയിരുന്ന സ്ക്രൂ ഡ്രൈവർ കൊണ്ട് നെഞ്ചിൽ ആഴത്തിൽ കുത്തുകയായിരുന്നു. സജിനും വീട്ടുകാരും നൽകിയ പരാതിയിൽ പരവൂർ ഇൻസ്പെക്ടർ എ.നിസാറിന്റെ നേതൃത്വത്തിലായിരുന്നു അറസ്റ്റ്. പ്രതിയെ റിമാൻഡ് ചെയ്തു.
Post Your Comments