കളഞ്ഞു കിട്ടിയ പണം തിരികെ ഏൽപ്പിച്ചു: യുവാവിനെ ആദരിച്ച് ദുബായ് പോലീസ്

ദുബായ്: കളഞ്ഞുകിട്ടിയ പണം അധികൃതർക്കു കൈമാറിയ യുവാവിനെ ആദരിച്ച് ദുബായ് പോലീസ്. അഹമ്മദ് അൽ അലി എന്ന സ്വദേശിയെയാണ് പോലീസ് ആദരിച്ചത്. ഖിസൈസിൽ നിന്നാണ് അലിയ്ക്ക് 10,000 ദിർഹം കളഞ്ഞു കിട്ടിയത്. തുടർന്ന് ഇദ്ദേഹം ഇത് പോലീസിനെ ഏൽപ്പിക്കുകയായിരുന്നു.

Read Also: ദോഫാറിലെ വാദി ദർബാത് പാർക്ക് സന്ദർശകർക്ക് തുറന്ന് നൽകി: അറിയിപ്പുമായി ഒമാൻ സിവിൽ ഡിഫൻസ്

എമിറാത്തികളുടെ യഥാർഥ മൂല്യങ്ങളെയും ധാർമ്മികതയെയും പ്രതിഫലിപ്പിക്കുന്ന പ്രവർത്തനമാണ് അലി കാഴ്ചവച്ചതെന്ന് ഖിസൈസ് പോലീസ് സ്റ്റേഷൻ ആക്ടിങ് ഡയറക്ടർ കേണൽ സയീദ് അൽ മദനി വ്യക്തമാക്കി. സമൂഹവും പോലീസും തമ്മിലുള്ള സഹകരണത്തിന്റെ പ്രാധാന്യം അദ്ദേഹം ഉയർത്തിക്കാട്ടുകയും ചെയ്തു. അലിയുടെ മാതൃകാപരമായ പ്രവർത്തനത്തെ ദുബായ് പോലീസ് അഭിനന്ദിക്കുകയും ചെയ്തു.

Read Also: സിനിമാ പ്രവര്‍ത്തകരുടെ വീടുകളിലും ഓഫീസുകളിലും ആദായ നികുതി വകുപ്പിന്റെ വ്യാപക പരിശോധന