അഗ്നിപഥ് പദ്ധതി പിൻവലിക്കണം: രാജ്യവ്യാപക പ്രചാരണത്തിനൊരുങ്ങി സംയുക്ത കിസാൻ മോർച്ച

ഡൽഹി: കേന്ദ്രസർക്കാരിന്റെ അഗ്നിപഥ് സൈനിക റിക്രൂട്ട്‌മെന്റ് പദ്ധതി പിൻവലിക്കണമെന്ന് സംയുക്ത കിസാൻ മോർച്ച. ഈ ആവശ്യം ഉന്നയിച്ച് രാജ്യവ്യാപക പ്രചാരണം ആരംഭിക്കുമെന്ന് നേതാക്കൾ വ്യക്തമാക്കി. വിവിധ യുവജന സംഘടനകളുമായും മുൻ സൈനികരുടെ യുണൈറ്റഡ് ഫ്രണ്ടുമായും സഹകരിച്ച് 40ലധികം കർഷക യൂണിയനുകളുടെ അംബ്രല്ല ഓർഗനൈസേഷൻ ക്യാമ്പയിൻ ആരംഭിക്കുമെന്നും സംയുക്ത കിസാൻ മോർച്ച അറിയിച്ചു.

അഗ്നിപഥ് പദ്ധതിക്കെതിരായ പ്രചാരണത്തിന്റെ ആദ്യപടിയായി ഓഗസ്റ്റ് 7 മുതൽ 14 വരെ ‘ജയ് ജവാൻ ജയ് കിസാൻ’ സമ്മേളനം നടത്തുമെന്ന് സ്വരാജ് ഇന്ത്യ പ്രസിഡന്റ് യോഗേന്ദ്ര യാദവ് ശനിയാഴ്ച വ്യക്തമാക്കി.

കുട്ടികളിൽ സ്വതന്ത്രമായ പഠന കഴിവുകൾ വികസിപ്പിക്കാൻ രക്ഷിതാക്കൾക്ക് എങ്ങനെ സഹായിക്കാം

‘വിവാദമായ അഗ്നിപഥ് പദ്ധതിയുടെ വിനാശകരമായ അനന്തരഫലങ്ങളെക്കുറിച്ച് പൊതുജനങ്ങളെ ബോധവൽക്കരിക്കുക, ജനാധിപത്യപരവും സമാധാനപരവും ഭരണഘടനാപരവുമായ മാർഗങ്ങൾ ഉപയോഗിച്ച് അത് പിൻവലിക്കാൻ കേന്ദ്രത്തെ നിർബന്ധിക്കുക എന്നതാണ് ഈ കാമ്പയിൻ ലക്ഷ്യമിടുന്നത്,’ യോഗേന്ദ്ര യാദവ് വ്യക്തമാക്കി

‘കാർഷിക നിയമങ്ങൾ ഭയാനകമായിരുന്നെങ്കിൽ, അഗ്നിപഥ് പദ്ധതി വിനാശകരമാണ്. നമ്മുടെ കർഷകരും സൈനികരും ദുരിതത്തിലായതിനാൽ നമ്മുടെ രാജ്യത്തിന്റെ നട്ടെല്ല് തകരുന്ന അപകടത്തിലാണ്. രാഷ്ട്രത്തിന്റെ സംരക്ഷകരെയും അന്നദാതാക്കളെയും ബുൾഡോസ് ചെയ്ത് നശിപ്പിക്കാൻ ഭരണകൂടത്തിന് നമ്മുടെ മൗനം കാരണമാകില്ല. ഞങ്ങൾ അവരെ ഒരു തവണ തടഞ്ഞു, ഞങ്ങൾക്ക് അവരെ വീണ്ടും തടയാം,’ യോഗേന്ദ്ര യാദവ് കൂട്ടിച്ചേർത്തു.