റിയാദ്: സൗദി അറേബ്യയിൽ വാഹനാപകടം. റിയാദിലാണ് വാഹനാപകടം നടന്നത്. വാഹനങ്ങൾ കൂട്ടിയിടിച്ചുണ്ടായ അപകടത്തിൽ ആറു പേർ മരിക്കുകയും രണ്ടു കുട്ടികൾക്ക് പരിക്കേൽക്കുകയും ചെയ്തു. റിയാദ് പ്രവിശ്യയിലെ ശഖ്‌റക്കു സമീപം കഴിഞ്ഞ ദിവസം പുലർച്ചെയാണ് അപകടം ഉണ്ടായത്.
കുവൈത്ത് രജിസ്‌ട്രേഷനിലുള്ള ബിഎംഡബ്ല്യൂ കാറും സൗദി രജിസ്‌ട്രേഷനിലുള്ള പിക്കപ്പുമാണ് അപകടത്തിൽപ്പെട്ടത്. കാർ ഡ്രൈവറും മൂന്നു സ്ത്രീകളും വീട്ടുജോലിക്കാരിയും പിക്കപ്പ് ഓടിച്ചിരുന്ന യുവാവുമാണ് മരണപ്പെട്ടത്. പരിക്കേറ്റവരെ ശഖ്‌റാ ജനറൽ ആശുപത്രിയിൽ പ്രവേശിപ്പിച്ചിട്ടുണ്ട്. ഇവരുടെ ആരോഗ്യനില തൃപ്തികരമാണെന്നാണ് വിവരം.
Post Your Comments