പാമ്പാടി: നിരവധി കഞ്ചാവു കേസുകളിൽ പ്രതിയായ യുവാവ് കഞ്ചാവുമായി അറസ്റ്റിൽ. ആനിക്കാട് മുക്കാലി കൊടിമറ്റം കെ.ടി. ഷെബിനെ (32)യാണ് പാമ്പാടി പൊലീസ് അറസ്റ്റ് ചെയ്തത്.
ജില്ലാ പൊലീസ് മേധാവി കെ. കാർത്തിക്കിന്‍റെ നേതൃത്വത്തിൽ ലഹരി വസ്തുക്കളുടെ വില്പന തടയുന്നതിന്‍റെ ഭാഗമായുള്ള പരിശോധനയിലാണ് സ്കൂൾ കുട്ടികൾക്ക് വില്പനയ്ക്കായി കൊണ്ടുവന്ന കഞ്ചാവുമായി ഷെബിനെ പൊലീസ് പിടികൂടിയത്.
Read Also : പെൺസുഹൃത്തിനെ കാണാനെത്തിയ കിരണിനെ പിന്നീട് കണ്ടെത്തിയത്‌ മരിച്ച നിലയില്‍: ആത്മഹത്യയോ…അകപ്പെട്ടതാണോ…അതോ?
ഇയാളുടെ പേരിൽ പള്ളിക്കത്തോട്, കോട്ടയം ഈസ്റ്റ്, മണർകാട്, അയർക്കുന്നം, ഗാന്ധിനഗർ, വാകത്താനം, തിരുവല്ല, കാഞ്ഞിരപ്പള്ളി എന്നീ സ്റ്റേഷനുകളിലായി 15 കേസുകൾ നിലവിലുണ്ടെന്ന് പൊലീസ് പറഞ്ഞു. പാമ്പാടി എസ്ഐ ലെബിമോന്റെ നേതൃത്വത്തിലുള്ള സംഘമാണ് പ്രതിയെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി.
Post Your Comments