തലയോലപ്പറമ്പ്: ബാറിൽ വച്ചുണ്ടായ വാക്കേറ്റത്തെ തുടർന്ന്, പ്രകോപിതനായി യുവാവിനെ വീട്ടിൽ കയറി തലയ്ക്കടിച്ച് കൊലപ്പെടുത്താൻ ശ്രമിച്ച സംഭവത്തിലെ പ്രതി പൊലീസ് പിടിയിൽ. ചെമ്പ് ബ്രഹ്മമംഗലം ചൂളപ്പറമ്പിൽ അഖിൽ സി. ബാബു (28)വിനെയാണ് തലയോലപ്പറമ്പ് പൊലീസ് പിടികൂടിയത്.
വെള്ളിയാഴ്ച്ച പുലർച്ചെ ഒന്നോടെയാണ് സംഭവം. വെള്ളൂർ വരിക്കാംകുന്ന് അസീസി ബധിര വിദ്യാലയത്തിനു സമീപം കോട്ടപ്പുറം വീട്ടിൽ കെ.ആർ. രാഹുലി (26)നെ വീട്ടിൽ കയറി ഇയാൾ തലയ്ക്കടിച്ച് അപായപ്പെടുത്താൻ ശ്രമിക്കുകയായിരുന്നു. ആക്രമണത്തിൽ ഗുരുതരമായി പരിക്കേറ്റ രാഹുൽ ചികിത്സയിലാണ്.
Read Also : ‘ദിലീപിനെ പൂട്ടണം’: വാട്സാപ്പ് ഗ്രൂപ്പിൽ ‘മ‍ഞ്ജു വാര്യർ’ മുതൽ ‘ആഷിഖ് അബു’ വരെ അംഗങ്ങൾ
തലയോലപ്പറമ്പ് എസ്ഐമാരായ ടി.ആർ. ദീപു, പി.എസ്. സുധീരൻ, സീനിയർ സിവിൽ പൊലീസ് ഓഫീസർ രാജീവ്, സി പി ഒ പ്രവീണ്‍ പ്രകാശ്, ഷൈൻ എന്നിവരുടെ നേതൃത്വത്തിലുള്ള പൊലീസ് സംഘം ഇന്നലെ വൈകുന്നേരം അഞ്ചോടെ അരയൻകാവ് ഭാഗത്തു നിന്നുമാണ് പ്രതിയെ പിടികൂടിയത്. പ്രതിയെ ഇന്ന് കോടതിയിൽ ഹാജരാക്കും.
Post Your Comments