ദിവസവും ഒരു പിടി വാൾനട്ട് കഴിക്കണമെന്ന് പറയുന്നതിന്റെ കാരണം

ആരോഗ്യകരമായ കൊഴുപ്പുകൾ, നാരുകൾ, വിറ്റാമിനുകൾ, ധാതുക്കൾ എന്നിവ വാൾനട്ടിൽ അടങ്ങിയിരിക്കുന്നു.

സ്തനാർബുദം, പ്രോസ്റ്റേറ്റ്, വൻകുടൽ കാൻസർ തുടങ്ങിയ ചില അർബുദങ്ങൾ വികസിപ്പിക്കാനുള്ള സാധ്യതയെ വാൽനട്ടിന്റെ പോളിഫെനോൾ കുറയ്ക്കുമെന്ന് പഠനങ്ങൾ പറയുന്നു.

തലച്ചോറിന്റെ വളർച്ചയ്ക്കും ഓർമശക്തി കൂട്ടാനുമെല്ലാം വാൾനട്ട് മികച്ചതാണ്. മറ്റ് നട്സുകളെ അപേക്ഷിച്ച് വാൾനട്ട് സ്ഥിരമായി കഴിക്കുന്നത് ഊർജം വർധിപ്പിക്കുകയും ഹൃദ്രോ​ഗങ്ങൾ അകറ്റുകയും ചെയ്യും. വാൽനട്ട് പോഷിപ്പിക്കുക മാത്രമല്ല കുടലിലെ നല്ല ബാക്ടീരിയകളെ പോഷിപ്പിക്കുകയും ചെയ്യുന്നു. ഇത് കുടലിന്റെ ആരോഗ്യത്തെ പിന്തുണയ്ക്കുകയും രോഗസാധ്യത കുറയ്ക്കുകയും ചെയ്യും.

തലേദിവസം വെള്ളത്തിൽ കുതിർത്തു വച്ച ശേഷം രാവിലെ വാൾനട്ട് കഴിക്കുന്നതാണ് ഏറ്റവും ഉചിതം. ഇതിനായി 2-4 വാൾനട്ട് എടുത്ത ശേഷം അത് വെള്ളത്തിൽ കുതിർക്കുക. ശേഷം രാവിലെ വെറും വയറ്റിൽ കഴിക്കാം. വാൾനട്ട് സ്മൂത്തി, വാൾനട്ട് ടോഫി എന്നീ രൂപത്തിലും കഴിക്കാം.

പ്രമേഹമുള്ളവർ നിർബന്ധമായും ദിവസവും ഒരു പിടി വാൾനട്ട് കഴിക്കണമെന്നാണ് ഗവേഷകർ പറയുന്നത്. ഗ്ലൂക്കോസിന്റെ അളവ് നിയന്ത്രിക്കാൻ വാൾനട്ട് കഴിക്കുന്നത് ​ഗുണം ചെയ്യുമത്രേ. ആന്റി ഓക്സിഡന്റുകൾ ധാരാളം അടങ്ങിയ വാൾനട്ട് ദിവസവും കഴിക്കുന്നത്‌ കാൻസർ പ്രതിരോധിക്കാൻ സഹായിക്കുമെന്ന് കണ്ടെത്തിയിട്ടുണ്ട്.

വാൾനട്ട് ഭക്ഷണത്തിൽ ചേർക്കുന്നത് രക്തസമ്മർദ്ദവും മൊത്തം കൊളസ്ട്രോളും ഉൾപ്പെടെയുള്ള ആരോഗ്യ ആനുകൂല്യങ്ങളുമായി ബന്ധപ്പെട്ട ഗുണം ചെയ്യുന്ന കുടൽ ബാക്ടീരിയകളെ മെച്ചപ്പെടുത്തുന്നു. വാൾനട്ടിൽ മറ്റ് പല ആന്റിട്യൂമർ സംയുക്തങ്ങളും അടങ്ങിയിട്ടുണ്ട്.