ചന്ദ്രശേഖരാഷ്ടകം

 

ചന്ദ്രശേഖര ചന്ദ്രശേഖര ചന്ദ്രശേഖര പാഹി മാം ।
ചന്ദ്രശേഖര ചന്ദ്രശേഖര ചന്ദ്രശേഖര രക്ഷ മാം ॥ 1॥

രത്നസാനുശരാസനം രജതാദിശൃങ്ഗനികേതനം
സിഞ്ജിനീകൃതപന്നഗേശ്വരമച്യുതാനനസായകം ।
ക്ഷിപ്രദഗ്ധപുരത്രയം ത്രിദിവാലയൈരഭിവന്ദിതം
ചന്ദ്രശേഖരമാശ്രയേ മമ കിം കരിഷ്യതി വൈ യമഃ

പഞ്ചപാദപപുഷ്പഗന്ധപദാംബുജദ്വയശോഭിതം
ഭാലലോചനജാതപാവകദഗ്ധമന്‍മഥവിഗ്രഹം ।
ഭസ്മദിഗ്ധകലേവരം ഭവനാശനം ഭവമവ്യയം
ചന്ദ്രശേഖര ചന്ദ്രശേഖര ചന്ദ്രശേഖര രക്ഷ മാം

മത്തവാരണമുഖ്യചര്‍മകൃതോത്തരീയമനോഹരം പങ്കജാസനപദ്മലോചനപൂജിതാങ്ഘ്രിസരോരുഹം
ദേവസിന്ധുതരങ്ഗസീകരസിക്തശുഭ്രജടാധരം
ചന്ദ്രശേഖര ചന്ദ്രശേഖര ചന്ദ്രശേഖര രക്ഷ മാം

യക്ഷരാജസഖം ഭഗാക്ഷഹരം ഭുജങ്ഗവിഭൂഷണം
ശൈലരാജസുതാപരിഷ്കൃതചാരുവാമകലേവരം ।
ക്ഷ്വേഡനീലഗലം പരശ്വധധാരിണം മൃഗധാരിണം
ചന്ദ്രശേഖര ചന്ദ്രശേഖര ചന്ദ്രശേഖര രക്ഷ മാം

കുണ്ഡലീകൃതകുണ്ഡലേശ്വരകുണ്ഡലം വൃഷവാഹനം
നാരദാദിമുനീശ്വരസ്തുതവൈഭവം ഭുവനേശ്വരം ।
അന്ധകാന്ധകാമാശ്രിതാമരപാദപം ശമനാന്തകം
ചന്ദ്രശേഖര ചന്ദ്രശേഖര ചന്ദ്രശേഖര രക്ഷ മാം

ഭേഷജം ഭവരോഗിണാമഖിലാപദാമപഹാരിണം
ദക്ഷയജ്ഞവിനാശനം ത്രിഗുണാത്മകം ത്രിവിലോചനം ।
ഭുക്തിമുക്തിഫലപ്രദം സകലാഘസങ്ഘനിബര്‍ഹണം
ചന്ദ്രശേഖര ചന്ദ്രശേഖര ചന്ദ്രശേഖര രക്ഷ മാം

ഭക്തവത്സലമര്‍ചിതം നിധിമക്ഷയം ഹരിദംബരം
സര്‍വഭൂതപതിം പരാത്പരമ്പ്രമേയമനുത്തമം ।
സോമവാരിദഭൂഹുതാശനസോമപാനിലഖാകൃതിം
ചന്ദ്രശേഖര ചന്ദ്രശേഖര ചന്ദ്രശേഖര രക്ഷ മാം

വിശ്വസൃഷ്ടിവിധായിനം പുനരേവ പാലനതത്പരം
സംഹരന്തമപി പ്രപഞ്ചമശേഷലോകനിവാസിനം ।
ക്രീഡയന്തമഹര്‍നിശം ഗണനാഥയൂഥസമന്വിതം
ചന്ദ്രശേഖര ചന്ദ്രശേഖര ചന്ദ്രശേഖര രക്ഷ മാം

മൃത്യുഭീതമൃകണ്ഡസൂനുകൃതസ്തവം ശിവസന്നിധൌ
യത്ര കുത്ര ച യഃ പഠേന്ന ഹി തസ്യ മൃത്യുഭയം ഭവേത് ।
പൂര്‍ണമായുരരോഗിതാമഖിലാര്‍ഥസമ്പദമാദരം
ചന്ദ്രശേഖര ഏവ തസ്യ ദദാതി മുക്തിമയത്നതഃ

॥। ഇതി ശ്രീചന്ദ്രശേഖരാഷ്ടകം സമ്പൂര്‍ണം ॥