വിപണി കീഴടക്കാൻ ഇൻഫിനിക്സ് നോട്ട് 12 5ജി, സവിശേഷതകൾ അറിയാം

പുതിയ 5ജി സ്മാർട്ട്ഫോണുകൾ പുറത്തിറക്കാനൊരുങ്ങി ഇൻഫിനിക്സ്. പ്രമുഖ സ്മാർട്ട്ഫോൺ നിർമ്മാതാക്കളാണ് ഇൻഫിനിക്സ്. നേരത്തെ പുറത്തിറക്കിയ ഇൻഫിനിക്സ് നോട്ട് 12 ഫോണുകളുടെ 5ജി പതിപ്പാണ് പുറത്തിറക്കുന്നത്. ഇൻഫിനിക്സ് നോട്ട് 12 5ജി സ്മാർട്ട്ഫോണുകളുടെ സവിശേഷതകൾ പരിചയപ്പെടാം.

6.7 ഇഞ്ച് എച്ച്ഡി പ്ലസ് അമോലെഡ് ഡിസ്പ്ലേയാണ് ഈ സ്മാർട്ട്ഫോണുകൾക്ക് നൽകിയിട്ടുള്ളത്. 2400× 1080 ആണ് പിക്സൽ റെസല്യൂഷൻ കാഴ്ചവയ്ക്കുന്നത്. MediaTek Dimensity 700 5G പ്രോസസറിൽ പ്രവർത്തിക്കുന്ന ഈ സ്മാർട്ട്ഫോണുകളുടെ ഓപ്പറേറ്റിംഗ് സിസ്റ്റം ആൻഡ്രോയ്ഡ് 12 ആണ്.

Also Read: അമ്മയും നവജാത ശിശുവും മരിച്ച സംഭവം: പ്രത്യേക സംഘം അന്വേഷിക്കുമെന്ന് ഡി.എം.ഒ

108 മെഗപിക്സൽ, 8 മെഗാപിക്സൽ, 2 മെഗാപിക്സൽ ട്രിപ്പിൾ റിയർ ക്യാമറകളാണ് പിന്നിൽ നൽകിയിട്ടുള്ളത്. 16 മെഗാപിക്സലാണ് സെൽഫി ക്യാമറ. 5,000 എംഎഎച്ച് ബാറ്ററി ലൈഫ് കാഴ്ചവയ്ക്കുന്ന ഈ സ്മാർട്ട്ഫോണിൽ 33 W ഫാസ്റ്റ് ചാർജിംഗ് സപ്പോർട്ട് ലഭിക്കുന്നുണ്ട്. 18,990 രൂപ മുതലാണ് ഈ സ്മാർട്ട്ഫോണുകളുടെ വില ആരംഭിക്കുന്നത്.