ശ്രീ ജഗന്നാഥാഷ്ടകം

കദാചിത്കാലിന്ദീതടവിപിനസങ്ഗീതകരവോ  കവരോ
മുദാ ഗോപീനാരീവദനകമലാസ്വാദമധുപഃ ।  ഭീരീ
രമാശംഭുബ്രഹ്മാമരപതിഗണേശാര്‍ചിതപദോ
ജഗന്നാഥഃ സ്വാമീ നയനപഥഗാമീ ഭവതു മേ ॥ 1 ॥

ഭുജേ സവ്യേ വേണും ശിരസി ശിഖിപിംഛം കടിതടേ var പിച്ഛിം
ദുകൂലം നേത്രാന്തേ സഹചരകടാക്ഷം വിദധതേ ।
സദാ ശ്രീമദ്വൃന്ദാവനവസതിലീലാപരിചയോ
ജഗന്നാഥഃ സ്വാമീ നയനപഥഗാമീ ഭവതു നേ ॥ 2 ॥

മഹാംഭോധേസ്തീരേ കനകരുചിരേ നീലശിഖരേ
വസന്‍ പ്രാസാദാന്തസ്സഹജബലഭദ്രേണ ബലിനാ ।
സുഭദ്രാമധ്യസ്ഥസ്സകലസുരസേവാവസരദോ
ജഗന്നാഥഃ സ്വാമീ നയനപഥഗാമീ ഭവതു മേ ॥ 3 ॥

കൃപാപാരാവാരാസ്സജലജലദശ്രേണിരുചിരോ
രമാവാണീസൌമസ്സുരദമലപദ്മോദ്ഭവമുഖൈഃ । var വാണീരാമസ്
സുരേന്ദ്രൈരാരാധ്യഃ ശ്രുതിഗണശിഖാഗീതചരിതോ
ജഗന്നാഥഃ സ്വാമീ നയനപഥഗാമീ ഭവതു മേ ॥ 4 ॥

രഥാരൂഢോ ഗച്ഛന്‍ പഥി മിലിതഭൂദേവപടലൈഃ
സ്തുതിപ്രാദുര്‍ഭാവം പ്രതിപദ മുപാകര്‍ണ്യ സദയഃ ।
ദയാസിന്ധുര്‍ബന്ധുസ്സകലജഗതാ സിന്ധുസുതയാ
ജഗന്നാഥഃ സ്വാമീ നയനപഥഗാമീ ഭവതു മേ ॥ 5 ॥

പരബ്രഹ്മാപീഡഃ കുവലയദലോത്ഫുല്ലനയനോ
നിവാസീ നീലാദ്രൌ നിഹിതചരണോഽനന്തശിരസി ।
രസാനന്ദോ രാധാസരസവപുരാലിങ്ഗനസഖോ
ജഗന്നാഥഃ സ്വാമീ നയനപഥഗാമീ ഭവതു മേ ॥ 6 ॥

ന വൈ പ്രാര്‍ഥ്യം രാജ്യം ന ച കനകതാം ഭോഗവിഭവം
ന യാചേഽഹം രംയാം നിഖിലജനകാംയാം വരവധൂം ।
സദാ കാലേ കാലേ പ്രമഥപതിനാ ഗീതചരിതോ
ജഗന്നാഥഃ സ്വാമീ നയനപഥഗാമീ ഭവതു മേ ॥ 7 ॥

ഹര ത്വം സംസാരം ദ്രുതതരമസാരം സുരപതേ
ഹര ത്വം പാപാനാം വിതതിമപരാം യാദവപതേ ।
അഹോ ദീനാനാഥം നിഹിതമചലം നിശ്ചിതപദം
ജഗന്നാഥഃ സ്വാമീ നയനപഥഗാമീ ഭവതു മേ ॥ 8 ॥

ഇതി ശ്രീമദ് ശങ്കരാചാര്യപ്രണീതം ജഗന്നാഥാഷ്ടകം സമ്പൂര്‍ണം॥