ഏലം വില വീണ്ടും ഇടിഞ്ഞു

സംസ്ഥാനത്ത് വീണ്ടും ഏലം വില കുത്തനെ ഇടിയുന്നു. തേക്കടി കേരള കാൻഡമം പ്രോസസിംഗ് ആന്റ് മാർക്കറ്റിംഗ് കമ്പനിയുടെ ഇ- ലേലത്തിലാണ് ഏലത്തിന് കുറഞ്ഞ വില ലഭിച്ചത്. സ്പൈസസ് ബോർഡാണ് ഇ- ലേലം നടത്തിയത്.

ഇത്തവണ ഇ-ലേലത്തിൽ ഏലത്തിന് ലഭിച്ച ഏറ്റവും ഉയർന്ന വില 1,290 രൂപയാണ്. കഴിഞ്ഞ വർഷം 1,602 രൂപയാണ് ഏറ്റവും ഉയർന്ന വിലയായി രേഖപ്പെടുത്തിയത്. കൂടാതെ, ഇത്തവണ ശരാശരി വില 865.33 രൂപയാണ്. കഴിഞ്ഞ തവണ 1,021 രൂപയായിരുന്നു ശരാശരി വില.

Also Read: ആക്രമണം ഉന്നത നേതൃത്വത്തിൻ്റെ അറിവോടെ: സി.പി.എം തീക്കൊള്ളി കൊണ്ട് തല ചൊറിയരുതെന്ന് രമേശ് ചെന്നിത്തല

ഖത്തറിലേക്ക് അയച്ച ഏലം തിരിച്ചയച്ചത് ഏലം വിലയെ പ്രതികൂലമായി ബാധിച്ചിരുന്നു. നിരോധിത കീടനാശിനിയുടെ സാന്നിധ്യം കണ്ടെത്തിയതാണ് ഏലം തിരിച്ചയക്കാൻ കാരണം.