കായംകുളം: ദേശീയ പാത കായംകുളം മുക്കടയില്‍ നിയന്ത്രണം വിട്ട ലോറി ബൈക്കിന് മുകളിലേക്ക് മറിഞ്ഞ് അപകടം. ബൈക്ക് യാത്രികന്‍ അത്ഭുതകരമായി രക്ഷപ്പെട്ടു. ഓച്ചിറ സ്വദേശി സന്തോഷ് ഓടിച്ചിരുന്ന ബൈക്കിന് മുകളിലേക്കാണ് ലോറി മറിഞ്ഞത്.
അപകടത്തില്‍ ലോറി ഡ്രൈവര്‍ വീരഭദ്രന്‍, സഹായി മുരുകന്‍ എന്നിവര്‍ക്ക് പരുക്കേറ്റു. മധുരയില്‍ നിന്ന് കൊല്ലത്തേക്ക് ഇരുമ്പ് വസ്തുക്കള്‍ കയറ്റിവന്ന ലോറിയാണ് നിയന്ത്രണം വിട്ട് മറിഞ്ഞത്.
ബൈക്ക് യാത്രികന്‍ സാഹസികമായി ബൈക്ക് ഉപേക്ഷിച്ചാണ് പരുക്കുകളില്ലാതെ രക്ഷപ്പെട്ടത്. വാഹനം പൂര്‍ണ്ണമായും നശിച്ചു.
Post Your Comments