സാംസംഗ് ഗാലക്സി എം32: വിലയും പ്രത്യേകതയും ഇങ്ങനെ

കുറഞ്ഞ വിലയിൽ സാംസംഗ് ഫോണുകൾ വാങ്ങാൻ ആഗ്രഹിക്കുന്നവർക്ക് മികച്ച ഓപ്ഷനാണ് സാംസംഗ് ഗാലക്സി എം32. പ്രമുഖ ഓൺലൈൻ ഷോപ്പിംഗ് പ്ലാറ്റ്ഫോമായ ആമസോണിലൂടെയാണ് വിലക്കിഴിവോടെ സാംസംഗ് ഗാലക്സി എം32 വാങ്ങാൻ കഴിയുന്നത്. ഈ ഫോണിന്റെ സവിശേഷതകൾ പരിശോധിക്കാം.

6.4 ഇഞ്ചിന്റെ സൂപ്പർ അമോലെഡ് ഫുൾ എച്ച്ഡി പ്ലസ് ഡിസ്പ്ലേയാണ് നൽകിയിട്ടുള്ളത്. 90 ഹെർട്സ് റിഫ്രഷ് റേറ്റ് ലഭ്യമാണ്. മീഡിയടെക് ഹീലിയോ ജി80 പ്രോസസറുകളിൽ പ്രവർത്തിക്കുന്ന ഈ സ്മാർട്ട്ഫോണുകളുടെ ഓപ്പറേറ്റിംഗ് സിസ്റ്റം ആൻഡ്രോയ്ഡ് 11 ആണ്.

Also Read: കായിക പരിശീലകൻ മാനസികമായി പീഡിപ്പിച്ചു: ദളിത് വിദ്യാർത്ഥി വിഷം കഴിച്ച് ആത്മഹത്യയ്ക്ക് ശ്രമിച്ചു

64 മെഗാപിക്സൽ, 8 മെഗാപിക്സൽ, 2 മെഗാപിക്സൽ, 2 മെഗാപിക്സൽ ക്വാഡ് പിൻ ക്യാമറകളാണ് പിന്നിൽ നൽകിയിട്ടുള്ളത്. 20 മെഗാപിക്സലാണ് സെൽഫി ക്യാമറ. 6,000 എംഎച്ചാണ് ബാറ്ററി ലൈഫ്.

4 ജിബി റാമും 64 ജിബി ഇന്റേണൽ സ്റ്റോറേജുമുളള വേരിയന്റിന് 11,999 രൂപയാണ് വില. 6 ജിബി റാമും 128 ജിബി ഇന്റേണൽ സ്റ്റോറേജുമുളള വേരിയന്റിന്റെ വില 13,999 രൂപയാണ്.