കൊച്ചി: പ്രശസ്ത തകിൽ വിദ്വാൻ ആർ കരുണാമൂർത്തി (52) അന്തരിച്ചു. കൊച്ചിയിലെ സ്വകാര്യ ആശുപത്രിയിൽ ചികിത്സയിലിരിക്കെ ഉച്ചകഴിഞ്ഞ് 2.50 നാണ് അന്ത്യം. വൈക്കം ചാലപ്പറമ്പ് സ്വദേശിയാണ്.
ഉദരസംബന്ധമായ അസുഖം മൂർച്ഛിച്ചതിനെ തുടർന്ന് തിങ്കളാഴ്ചയാണ് അദ്ദേഹത്തെ ആശുപത്രിയിൽ പ്രവേശിപ്പിച്ചത്. വൈക്കം ക്ഷേത്ര കലാപീഠത്തിലെ അധ്യാപകനായ കരുണാമൂർത്തിക്ക് കാഞ്ചി കാമകോടി പീഠം ആസ്ഥാന വിദ്വാൻ പദവി ലഭിച്ചിട്ടുണ്ട്.
രാജ്യത്തിനകത്തും പുറത്തും നിരവധി വേദികളിൽ അദ്ദേഹം കലാപ്രകടനം കാഴ്ചവെച്ചിട്ടുണ്ട്. ഭൗതികശരീരം ഇന്ന് വൈകുന്നേരത്തോടെ വൈക്കത്തെ വസതിയിൽ എത്തിക്കും. നാളെ രണ്ടുമണിക്ക് സംസ്കാരം നടക്കും.
Post Your Comments