കൊട്ടാരക്കര: പ്രായപൂര്‍ത്തിയാകാത്ത പെണ്‍കുട്ടിയെ തട്ടിക്കൊണ്ടുപോയ യുവാവ് പൊലീസ് പിടിയിൽ. എഴുകോണ്‍ കരീപ്ര വാക്കനാട് ചരുവിള പുത്തന്‍ വീട്ടില്‍ ആനന്ദി(28)നെയാണ് എഴുകോണ്‍ പൊലീസ് അറസ്റ്റ് ചെയ്തത്.
ഏപ്രില്‍ നാലിനാണ് കേസിനാസ്പദമായ സംഭവം. പെൺകുട്ടിയെ തട്ടിക്കൊണ്ട് പോയ ഇയാൾ, ഡല്‍ഹി, ബംഗളൂരു എന്നിവിടങ്ങളില്‍ പാര്‍പ്പിച്ച് വരുകയായിരുന്നു.
Read Also : ഭീകരരെ ഫണ്ട് നല്‍കി സഹായിക്കുന്ന കേന്ദ്രങ്ങളേയും സംഘടനകളേയും കണ്ടെത്താന്‍ എന്‍ഐഎ
തിരുവനന്തപുരത്തു നിന്നാണ് ആനന്ദിനെ പിടികൂടിയത്. ഇയാളോടൊപ്പം പെണ്‍കുട്ടിയെയും പൊലീസ് കണ്ടെത്തി. പെണ്‍കുട്ടിയെ മഹിളാകേന്ദ്രത്തിലേക്ക് മാറ്റി.
കേസിലെ രണ്ടാംപ്രതി നേരത്തെ പിടിയിലായിരുന്നു. എഴുകോണ്‍ പൊലീസ് ഇന്‍സ്‌പെക്ടര്‍ ടി.എസ്. ശിവപ്രകാശി‍ന്റെ നേതൃത്വത്തില്‍ എസ്.ഐ അനീസ്, എ.എസ്.ഐ ഷിബു, എസ്.സി.പി.ഒ പ്രദീപ്, സി.പി.ഒ അജയകുമാര്‍, സി.പി.ഒ വിനീത് എന്നിവരാണ് പ്രതിയെ അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
Post Your Comments