ഗാന്ധിനഗര്‍: ഐഎഎസ് ഉദ്യോഗസ്ഥന് പത്താം ക്ലാസില്‍ ലഭിച്ച മാര്‍ക്കുകള്‍ വൈറലാകുന്നു. ഗണിത ശാസ്ത്രത്തിന് 36ഉം, ഇംഗ്ലീഷിന് 35ഉം നേടിയാണ് താന്‍ പാസായതെന്ന് ഐഎഎസ് ഉദ്യോഗസ്ഥന് വെളിപ്പെടുത്തുന്നു. ഗുജറാത്തിലെ ഭറൂച് ജില്ലാകളക്ടറായ തുഷാര്‍ ഡി. സുമേരെയുടെ മാര്‍ക്ക് ലിസ്റ്റാണ് ട്വിറ്ററിലൂടെ ഷെയര്‍ ചെയ്തിരിക്കുന്നത്. പത്താം ക്ലാസ് പരീക്ഷാ ഫലം കാത്തിരിക്കുന്ന വിദ്യാര്‍ത്ഥികള്‍ക്ക് ആത്മവിശ്വാസം പകരാനാണ് കളക്ടര്‍ മാര്‍ക്ക് ലിസ്റ്റ് പങ്കുവെച്ചത്.
2012ലാണ് തുഷാര്‍ ഐഎഎസ് നേടുന്നത്. യുപിഎസ്സി പരീക്ഷ എഴുതുന്നതിന് മുമ്പ് അദ്ദേഹം അദ്ധ്യാപകനായി പ്രവര്‍ത്തിച്ചിരുന്നു. അതേസമയം, മാര്‍ക്ക് ലിസ്റ്റും തുഷാറിന്റെ ഫോട്ടോയും ഐഎഎസ് ഉദ്യോഗസ്ഥനായ അവനീഷ് ഷെയര്‍ ചെയ്തിട്ടുണ്ട്. തന്റെ ട്വിറ്റര്‍ അക്കൗണ്ടിലൂടെയാണ് അദ്ദേഹം ഫോട്ടോയും, മാര്‍ക്ക് ലിസ്റ്റും ഷെയര്‍ ചെയ്തിരിക്കുന്നത്. അവനീഷിന്റെ ട്വീറ്റ് ഷെയര്‍ ചെയ്ത തുഷാര്‍ ട്വീറ്റിലൂടെ തന്റെ നന്ദി അറിയിച്ചിട്ടുണ്ട്.
Post Your Comments