വൺപ്ലസ് നോഡ് സിഇ 2 ലൈറ്റ്: കുറഞ്ഞ വിലയിൽ സ്വന്തമാക്കാം

വൺപ്ലസ് ഫോണുകൾ വാങ്ങാൻ സുവർണാവസരം. വൺപ്ലസ് നോഡ് സിഇ 2 ലൈറ്റ് സ്മാർട്ട്ഫോണുകളാണ് ക്യാഷ് ബാക്ക് ഓഫറിൽ വാങ്ങാൻ സാധിക്കുന്നത്. ഐസിഐസിഐ ബാങ്ക് 2000 രൂപയുടെ ക്യാഷ് ബാക്ക് ഓഫറാണ് നൽകുന്നത്. ഈ സ്മാർട്ട്ഫോണുകളുടെ സവിശേഷതകൾ നോക്കാം.

6.58 ഇഞ്ച് ഐപിഎസ് എൽസിഡി ഡിസ്പ്ലേയാണ് നൽകിയിട്ടുള്ളത്. ക്വാൽക്കം സ്നാപ്ഡ്രാഗൺ 695 പ്രോസസറിൽ പ്രവർത്തിക്കുന്ന ഈ സ്മാർട്ട്ഫോണുകളുടെ ഓപ്പറേറ്റിംഗ് സിസ്റ്റം ആൻഡ്രോയ്ഡ് 12 ആണ്. 64 മെഗാപിക്സൽ, 2 മെഗാപിക്സൽ, 2 മെഗാപിക്സൽ ട്രിപ്പിൾ പിൻ ക്യാമറകളാണ് പിന്നിൽ നൽകിയിരിക്കുന്നത്. 16 മെഗാപിക്സലാണ് സെൽഫി ക്യാമറ. 5000 എംഎഎച്ചാണ് ബാറ്ററി ലൈഫ്.

Also Read: 15 വർഷത്തിനിടെ രാജ്യത്ത് മലേറിയ കേസുകളൊന്നും റിപ്പോർട്ട് ചെയ്തിട്ടില്ല: യുഎഇ ആരോഗ്യ മന്ത്രാലയം

6 ജിബി റാമും 128 ജിബി ഇന്റേണൽ സ്റ്റോറേജുമുള്ള മോഡലിന്റെ വില 19,999 രൂപയാണ്. 8 ജിബി റാമും 128 ജിബി ഇന്റേണൽ സ്റ്റോറേജുമുള്ള മോഡലിന് 21,999 രൂപയാണ് വില.