മണ്ണുത്തി: വിവിധ സ്ഥലങ്ങളില്‍ മാല മോഷണം നടത്തിയ കേസിലെ പ്രതികൾ പൊലീസ് പിടിയിൽ. പെയ്യ സ്വദേശി മൂണ്ടിയാട്ടു നീലംകുന്നി വീട്ടില്‍ അനീഷ് ബാബു (40 ), കൊയിലാണ്ടി കാര്‍ത്തികപ്പിള്ളി തൂഫാലത്ത് വലിയകത്ത് മാളിയേക്കല്‍ വീട്ടില്‍ അബ്ദുല്ല മുഹളാര്‍ (22) എന്നിവരെയാണ് മണ്ണുത്തി പൊലീസ് അറസ്റ്റ് ചെയ്തത്.
മണ്ണുത്തി സ്റ്റേഷന്‍ പരിധിയിലെ ശ്രീകൃഷ്ണനഗര്‍ റോഡില്‍ വെച്ച് ഒന്നര പവന്റെ മാല കവര്‍ന്ന കേസിലും ഒല്ലൂക്കര ക്ഷേത്രത്തിന് സമീപത്തു വെച്ച് മാല പൊട്ടിക്കാന്‍ ശ്രമിച്ച കേസിലും പ്രതികളാണ് ഇവര്‍. കേരളത്തിലെ വിവിധ സ്റ്റഷനുകളില്‍ സമാനമായി നിരവധി കേസുകൾ ഇവര്‍ക്കെതിരെയുണ്ടെന്ന് പൊലീസ് പറഞ്ഞു.
Read Also : ‘വെയ്ക്കടാ വെടി’, ജനങ്ങൾക്കും തോക്ക് പരിശീലനം നല്‍കാന്‍ കേരളാ പൊലീസ്
മണ്ണുത്തി സി.ഐ എം. ശശിധരന്‍പിള്ളയുടെ നേതൃത്വത്തില്‍ എസ്.ഐമാരായ പ്രദീപ്കുമാര്‍, കെ. ജയന്‍ എ.എസ്.ഐ ശ്രീജ, സി.പി.ഒമാരായ കെ.ആര്‍. രജീഷ്, സംസാണ്‍, രാജേഷ് എന്നിവരടങ്ങുന്ന സംഘമാണ് പ്രതികളെ പിടികൂടിയത്. കോടതിയില്‍ ഹാജരാക്കിയ പ്രതികളെ റിമന്‍ഡ് ചെയ്തു.
Post Your Comments