ബിഗ് ബോസ് മലയാളം സീസൺ ഫോറിൽ നിന്നും പുറത്താക്കപ്പെട്ട മികച്ച മത്സരാർത്ഥികളിൽ ഒരാളായ റോബിനെ സ്വീകരിയ്ക്കാനെത്തിയത് നൂറ് കണക്കിന് ആളുകൾ. നാടകീയമായ ഒരുപാട് സംഭവങ്ങൾക്കൊടുവിലാണ് റോബിൻ പുറത്തായത്. ഇപ്പോൾ റോബിൻ തിരുവനന്തപുരം എയർപോർട്ടിൽ എത്തിയപ്പോൾ അദ്ദേഹത്തെ ഒരു നോക്ക് കാണാൻ നിരവധി ആരാധകരാണ് തടിച്ചുകൂടിയത്.
റോബിനെ വാരിപ്പുണർന്ന് ആരാധകർ സന്തോഷം പ്രകടിപ്പിച്ചു. റോബിൻ രാജാവേ നിങ്ങളാണ് വിജയ് എന്ന് എല്ലാവരും ഉറക്കെ വിളിച്ചു പറയുന്നുണ്ടായിരുന്നു. എന്നാൽ, ആരാധകരെ കണ്ട് കൈവീശിയും തൊഴുതും റോബിൻ സന്തോഷം പ്രകടിപ്പിച്ചു. ജയ് വിളിച്ച് റോബിൻ തന്റെ സന്തോഷം പ്രകടിപ്പിച്ചു. മാലയിട്ടാണ് ആരാധകർ റോബിനെ സ്വീകരിച്ചത്.
ഷോയിൽ ഏറ്റവും കൂടുതൽ ആരാധകരുള്ള വ്യക്തി ആയിരുന്നു റോബിൻ. അതുകൊണ്ടുതന്നെ റോബിൻ ഷോയിൽ നിന്ന് പുറത്താകുമ്പോൾ പലരും ബിഗ് ബോസ് കാണുന്നത് അവസാനിപ്പിക്കും എന്നാണ് പറയുന്നത്. അതേസമയം റോബിന്റെ മുഖ്യ എതിരാളിയായിരുന്ന ജാസ്മിൻ എം മോശം ഷോയിൽ നിന്ന് സ്വയം ഔട്ട് ആയി. റോബിനെ ബിഗ് ബോസ് ഷോയിലേക്ക് തിരികെ കൊണ്ടു വരുമെന്ന ഘട്ടമെത്തിയപ്പോൾ ആണ് ജാസ്മിൻ പിന്മാറിയത്.
Post Your Comments