ന്യൂഡൽഹി: ബിജെപിയിൽ ചേരുന്നതിന് മുന്നോടിയായി ദുർഗാപൂജ നടത്തി ഹാർദ്ദിക് പട്ടേൽ. അഹമ്മദാബാദിലുള്ള തന്റെ വസതിയിൽ വച്ചാണ് അദ്ദേഹം പൂജ നടത്തിയിരിക്കുന്നത്. ബിജെപി ഓഫീസ് കമലത്തിൽ വച്ച് രാവിലെ 11 മണിക്ക് ഹാർദ്ദിക് പട്ടേൽ അംഗത്വം സ്വീകരിക്കുമെന്ന റിപ്പോർട്ടുകളാണ് പുറത്തുവരുന്നത്.
ഹാർദ്ദിക് പട്ടേലിന് പാർട്ടി സംസ്ഥാന അധ്യക്ഷൻ സിആർ പാട്ടീൽ അംഗത്വം നൽകും. നേരത്തെ, മോദിയുടെ സൈന്യത്തിൽ ചേർന്ന് ചെറിയൊരു സൈനികനായി രാജ്യത്തെ സേവിക്കുമെന്ന് അദ്ദേഹം ട്വീറ്റ് ചെയ്തിരുന്നു. ഇന്നു മുതൽ പുതിയ അധ്യായം ആരംഭിക്കുകയാണെന്നും പ്രധാനമന്ത്രിയുടെ നേതൃത്വത്തിൽ ഈ രാജ്യത്തിനു വേണ്ടി പ്രവർത്തിക്കുമെന്നും ഹാർദ്ദിക് പട്ടേൽ ട്വിറ്ററിൽ പറയുന്നു.
ഹാർദ്ദിക് പട്ടേൽ ഗുജറാത്തിൽ കോൺഗ്രസിന്റെ വർക്കിംഗ് പ്രസിഡണ്ടായിരുന്നു. പാർട്ടിയിൽ തനിക്ക് വേണ്ടത്ര പരിഗണന ലഭിക്കാത്തതിനെ തുടർന്നാണ് അദ്ദേഹം കോൺഗ്രസിൽ നിന്നും രാജിവെക്കുന്നത്. പിന്നീട്, താൻ ബിജെപിയിൽ ചേരുമെന്ന് അദ്ദേഹം വ്യക്തമാക്കുകയായിരുന്നു.
Post Your Comments