തിരുവനന്തപുരം: പാളയം സിഎസ്ഐ പള്ളി കത്തീഡ്രൽ ആക്കിയതിനെ എതിർക്കുന്ന വിശ്വാസികളുടെ പ്രതിഷേധം തുട‍രുന്നു. സ്ഥലത്ത് സംഘർഷാവസ്ഥ നിലനിൽക്കുകയാണ്. പ്രതിഷേധക്കാരെ പൊലീസ് ബാരിക്കേഡുകള്‍ ഉപയോഗിച്ച് തടയുന്നുണ്ട്. എന്നാൽ, ബാരിക്കേഡ് തകർക്കാൻ പ്രതിഷേധക്കാരുടെ ശ്രമം നടക്കുകയാണ്.
ഒരു വിഭാഗം വിശ്വാസികൾ ആണ് പള്ളി മാനേജിങ് കമ്മറ്റിക്കെതിരെ രംഗത്തെത്തിയിരിക്കുന്നത്. വിശ്വാസികളുടെ അഭിപ്രായം അറിയാതെ ഇവർ ഏകപക്ഷീയമായി പള്ളിയെ കത്തീഡ്രൽ ആക്കുകയായിരുന്നു എന്നാണ് ഇവരുടെ ആരോപണം. അതേസമയം, പൊലീസ് ജലപീരങ്കി പ്രയോഗിക്കാൻ തുടങ്ങിയെങ്കിലും ഉന്നത ഉദ്യോഗസ്ഥർ ഇടപെട്ട് നിർത്തിവെപ്പിക്കുകയായിരുന്നു. ഇപ്പോഴും സംഘർഷം തുടരുകയാണ്.
Post Your Comments