രാജ്യത്ത് സർവകാല ഉയരത്തിൽ വിദേശ നിക്ഷേപം

രാജ്യത്തെ വിദേശ നിക്ഷേപം സർവകാല റെക്കോർഡിൽ. രാജ്യത്ത് നേരിട്ടുള്ള വാർഷിക വിദേശ നിക്ഷേപം 2021-22 സാമ്പത്തിക വർഷം സർവകാല റെക്കോർഡ് കൈവരിച്ചു എന്നാണ് റിപ്പോർട്ട്. കേന്ദ്ര സർക്കാർ പുറത്തുവിട്ട കണക്കു പ്രകാരം, 83.57 ശതകോടി യുഎസ് ഡോളറിന്റെ നേരിട്ടുള്ള വിദേശ നിക്ഷേപമാണ് രാജ്യത്തിലേക്ക് എത്തിയത്.

2020-21 സാമ്പത്തിക വർഷവുമായി താരതമ്യം ചെയ്യുമ്പോൾ, ഇത്തവണ നേരിട്ടുള്ള വിദേശ നിക്ഷേപത്തിൽ 1.60 ശത കോടി യുഎസ് ഡോളറാണ് കൂടുതൽ. കോവിഡ് പ്രതിസന്ധിയിലും റഷ്യ- യുക്രൈൻ യുദ്ധ പശ്ചാത്തലത്തിലും വിദേശ നിക്ഷേപം ഉയരത്തിൽ എത്തിയത് ശുഭ പ്രതീക്ഷയാണ്.

Also Read: ജെറ്റ് എയർവേയസ്: ഇനി വീണ്ടും പറന്നുയരും

ഉൽപാദന മേഖലയിൽ 2020-21 സാമ്പത്തിക വർഷത്തിൽ 12.09 ശതകോടി യുഎസ് ഡോളറാണ് നേരിട്ടുള്ള വിദേശ നിക്ഷേപം. എന്നാൽ, 2021-22 വർഷത്തിൽ 21.34 ശതകോടി യുഎസ് ഡോളറാണ് നേരിട്ടുള്ള വിദേശ നിക്ഷേപം. രണ്ട് വർഷങ്ങളിലും ഉൽപാദന മേഖലയിലെ വിദേശ നിക്ഷേപം താരതമ്യം ചെയ്യുമ്പോൾ 76 ശതമാനമാണ് വർദ്ധന.